Malakay 1:4 - Udél Dwata: Gna Kesfasad ne Lomi Kesfasad

⁴ Ke yó udél yó kem sfu Iso bè Idom, ke mon le, “Baluen ke deng gotu gbà yóm benwu tekuy, bud tenlob tekuy yó kem deng gbà.” Okóm ni se udél yóm Dwata laen dù là gbeken du, monen, “Ke bud hdà le, angat bud genbau he. Yó angat boluy kem tau du yóm kul benwu, ‘Benwu hono sidek gel nmò kem tauhen.’ Yó gónóm mon, laen dù tul sónen yóm kebut Dwata kul.”

Malakay 1:4 Referans Kwoze

Jirimaya 31:17

Ni wen bud nefet nawa ye, abay se angat le bud semfulék ebè yóm hol kul benwu yó kem ngà ye.

Malakay 1:3

Fen là ke Iso ne yó kem lugoden, laen dù nawahu ebélê le. Ne yóm kul bulul gónó nô boluyen Idom deng tódô sulék genbau, henbalingu benwu là hyu menwu du mò gónó le nô yó kem ohu lem bnes,” yó se udél Dwata.

Amus 6:2

Lemwót ye na ye e tenngel yó kem syudad deng genbà le. Na ye e tenngel yóm syudad Kalni. Omin ye hlós etu bè yóm tey syudad bong Hamat, omin ye mool ebè Gat, yóm syudad yó kem tau Flistin. Hyu senta yó kem benwu yó kô yóm benwu Juda ne benwu Israél? Là gi! Lamang kô yóm kuy tonok senta yóm kul tonok? Là snéen.

Isaya 10:4

Yó angat gfà ye, wen se bélê ye matay bè gida ne wen se bélê ye negef le. Baluen se ke lómón yó gfà ye, là kóen deng teflok he yóm kebut Dwata kuy. Sana tolo kuhayen sigelen tmafak kuy.

Kem Udél Hlalak Tehe Selumun 21:30

Là kóen lemyu senta Dwata yóm khulung tau hedem duhen yóm khulungen temnef ne khulungen hmau.

Kem Lingón 137:7

Ó Dwata, bè yóm kdaw tehe kegbà kem tau Babilun du yóm Jirusalim, hol béem klifót yóm tehe kul nmò yó kem tau Idom. Béem klifót yóm tehe gel kmon le du, “Hol genbà ye dé, béen wen tebel du.”

Kem Lingón 127:1

Ke là lemwóten bè Dwata yóm hdà gónô, olon gamà liteg le yó kem tau hdà du. Ke là bnentey Dwata du yóm benwu, olon gamà liteg le yó kem tau mentey du.

Matyu 12:30

Yóm tau là mungen do, hnohonen ou. Yóm tau là tnóbóngen do semtifun yó kem tau, deng du se fen semkla kul.

Amus 3:15

Angat gotu genbau yó kem tey gónô tilob hdà yó kem tau wen kendengen le, yóm gónô gónó le nô bè yóm bulónen tnaw ne yóm gónô gónó le nô bè yóm bulónen kinì. Gotu genbau yó kem gónô alì tilob klóónen. Kdê yó kem gónô lembang deng hdà le, angat gotu genbau. Ou se Dwata nim mudél ni.”

Amus 5:11

Gel ndà ye yó kem tau élél ne hennagaw ye yó kem ngà nuta le lemwót bè yóm dê hbayad ye kul. Yó gónóm mon là kô ye na a gnô lem yó kem gónô botu alì tilob deng hdà ye. Là se ginum ye du yóm tifas grép lemwót bè yó kem tey tilob gónó ye hmulu kul.

Amus 6:11

Ke dók Dwata yó kem hohon ye, tódô gotu lenusok le yó kem gónô lembang kkólen bè yó kem gónô lemnek.

Ubadaya 1:1

Ni se htonen ke Ubadaya, yóm Dwata hol dandónen geta, gbak ebè benwu Idom. Deng gungol tekuy yóm tulón lemwót bè Dwata, duhen yóm kwen tau hógówen mò eles tmulón du bè yó kem tólóng benwu yóm udélen, monen, “Yóm kdéen tau eles ye htigel. Sentifun tekuy kem sendalù tekuy na tekuy e nundug yóm benwu Idom.”

Ubadaya 1:10

“Yó gónó le mò du bélê ye yóm yó, lemwót bè yóm alì kehsidek ye yó kem dumu ye setwoli sfu Jakub. Yó mò kuy angat tey sidek kyak ye, tódô ye sulék meglà ne laen kô dù tul sónen.

Kem Lingón 33:10

Yóm dê atul yó kem tau mogot benwu talak tonok, gbek henseng Dwata. Hensengen sok là hyuhen anì là gfuhen.

Amus 1:11

Yó bud udél Dwata, monen, “Deng tendo sensulit le mò sidek yó kem tau bè Idom, là gbeku du ke là tnafaku kul. Deng mom ktes tnibó le yó kem kul dumu Israél, balù udì ke wen kodu le kul. Là kô olò nonol le du yóm kebut le kul, tódô henlós le efet laen dù sónen.