Malakay 1:12 - Udél Dwata: Gna Kesfasad ne Lomi Kesfasad

¹² “Okóm kuy, kem tau Israél, tey tólóng. Gfan bè yóm dsù ye yóm là kadat ye do. Yóm kwit ye yóm dsù là knóónen béléu, yó se gónón gfan yóm là kebtesen bélê ye yóm dou gónó demsù.

Malakay 1:12 Referans Kwoze

Sulat Pol Ebè Yó Kem Tau Hemtahu Bè Rom 2:24

Wen tehe hsulat Dwata ekni, yó monen, “Tey sidek kehnê le ke Dwata yó kem tau là Ju le, abay se lemwót bélê ye.”Bélê tekuy kem Ju, wen yóm hlau bè kehtulì. Són gónón wen muhen ke nimón tekuy yóm hlau Dwata. Bede ke là nimón tekuy du yóm hlau Dwata laen kô gónó tekuy mkay senta yó kem tau là Ju le duhen yó kem tau là tnulì.

Malakay 2:8

Okóm kuy, kem tau blóng ebéléu nim kmoen ni, tey tólóng se yóm kuy kmò. Deng knogol ye yóm tahu lan. Ne lemwót bè yóm sekban gel tolok ye, tey dê tau nwit ye elem salà. Deng genbà ye yóm tehe senfasad me yó kem sfu Libay,” udél yóm Dwata laen dù là gbeken du.

Malakay 1:13

Yó gel mon ye, ‘Tey mgel bélê me lemolò du yóm dê hlolò Dwata ni,’ ne deng ye meklit lemolò yóm dou hlau,” udél yóm Dwata laen dù là gbeken du. “Ngem, deng mom dsù ye ebéléu yóm ógóf hennagaw ne ógóf tugô ne ógóf wen desen. Henmóyóu kô yóm ógóf lómónen yó? Là kô naw e henmóyô du,” mon Dwata.

Amus 2:7

Gotu ndà le lem kfung yó kem tau laen dù bang tmóbóng kul. Là kô nmò le du yóm kukum tedeng bè yó kem tau gel hen-gnok le. Botong le tódô lewu maen ne yóm ngaen logi gel semtungô yóm sotu libun, yóm alì sidek béléu, alì henyak le yóm dou boluy.

2 Samwél 12:14

Okóm lemwót bè yóm là kimónem ke Dwata, angat matay yóm ngaem.”

Husiya 13:9

Ó kem tau Israél, móyón genlau yu ne. Tau du de tô gembek tmóbóng kuy?