Malakay 1:10 - Udél Dwata: Gna Kesfasad ne Lomi Kesfasad

¹⁰ Yó bud udélen, “Hyu béléu ke wen sotu bélê ye mlos tmikeb du yóm bak dól yóm dou Gónô anì laen dù tau bud hbong ofi bè yó mò hkekeb yóm dsù laen dù muhen. Balù udì ke wen gónóhu hligal bélê ye. Là kô naw e henmóyô du yó kem gel blay ye ebéléu,” udél yóm Dwata laen dù là gbeken du.

Malakay 1:10 Referans Kwoze

1 Pitér 5:2

Hol sen-gyok ye yó kem tau deng hesegyok Dwata kuy. Hol lómón ke ubiha le, ne yu yóm tau fen gel semgyok kul. Yó kun kóyô Dwata ke hol ye hligal bè yóm gel kesegyok ye kul. Hol bê ye abay nmò ke là lemwóten bè nawa ye. Hol bê ye abay nmò ke són hendem ye bè kguta ye filak. Song nmò ye ke lemwót bè yóm hol óyô ye tmóbóng kul bè kehtahu le.

Mika 3:11

Yu kem tau gel malak, là kô ye kmukum ke là wen mò wa nawa ye. Yu kem tau gel blóng ebè Dwata, là kô ye tmolok udél Dwata ke là wen bayad le kuy. Yu kem tugod Dwata, laen dù tulón ye ke là bnayad le kuy, igò ye sem gel mon du són bè Dwata yóm gónó ye smalig. Gel mon ye, “Kaem nô bélê tekuy Dwata. Laen dù sidek sut bélê tekuy.”

Husiya 5:6

Nwit le kem ubiha ne kem safì mò dsù le ebè Dwata, okóm deng mom gtufì. Là bud ton le ke Dwata ne, deng tnagaken lu.

Jirimaya 6:20

Tedu de muhu du yóm insinsu lemwót bè benwu Siba, yóm gel ntem ye mò hboo ye ebéléu? Ne yó kem dumu alì mebtes tilob boohen lemwót bè benwu mayuk, tedu de muhu du? Yóm dsù gel hkekeb ye ebéléu là kóe móyô du. Yó kem dumu gel dsù ye, là kóe na a hligal du.”

Jirimaya 14:12

Baluen ke fasting le, là kô naw e kenmón kul. Ne baluen ke dsù le ebéléu yóm dsù gel hkekeb le ne ke wen blay le dou bè yóm halay le, là kô naw e henmóyô kul. Mom yó nmou bélê le, matay le bè gida ne matay le lemnus ne matay le bè des.”

Hibru 10:38

Yó kem dou tau deng baling tedeng kmò le, lemwót bè yóm kehtahu le béléu gónó le hlós mowil. Okóm ke knogol le yóm kehtahu le béléu, là kô wen bud nawahu ebélê le ne.”

Flipay 2:21

Tódô kdê yó kem dumu tau, sal gel hegna le yóm kul knóyô nmò, fen hfuli le yóm kun nmò Jisas Krays.

1 Kurin 9:13

Deng hónô tngón ye se bè yó kem tau gel mò nmò bè Gónô Dwata, són bè yó se gónó le mowil. Ne dalang se yó kem tau gel demsù ebè Dwata bè yó, wen se kul mdengen ólól bè yóm utón gel hedsù le kul ebè Dwata.

Kun Snulat Jan 10:12

Okóm yóm tau olon semgyok ubiha lemwót bè yóm gel ksukéy le du, ke sok sut yóm ógóf lóbô gu lem bnes, tódô mlóy yóm tau yó, gtagaken yó kem ubiha sen-gyoken, abay se sundu kun ubiha du, ne là du du yóm tau hol semgyok kul. Yó nmò yóm ógóf lóbô sut yó, wen ubiha kenfóen, ne gotu senklahen lu yó kem dumu.

Jirimaya 6:13

“Tódô lenwóten bè yó kem tau leneken kkólen bè yó kem tau lebangen, gel snukat le kem dumu le, nwa le yóm là kul du. Balù yó kem dumu tugodu ne yó kem tau blóng ebéléu, bud yó se kul nmò.

Jirimaya 14:10

Yó udél Dwata gbak ebè yó kem tauhen, monen, “Tey kóyô le du yóm kehlayuk le béléu ne là bud lolò le du yóm dou lan. Yó gónóm mon, là kô bud henmóyóu kul mò dou tau. Gtulón nawaw yóm kdê sidek deng gel nmò le, naw na tnafak lu bè yó kem salà le yó.”

Malakay 1:13

Yó gel mon ye, ‘Tey mgel bélê me lemolò du yóm dê hlolò Dwata ni,’ ne deng ye meklit lemolò yóm dou hlau,” udél yóm Dwata laen dù là gbeken du. “Ngem, deng mom dsù ye ebéléu yóm ógóf hennagaw ne ógóf tugô ne ógóf wen desen. Henmóyóu kô yóm ógóf lómónen yó? Là kô naw e henmóyô du,” mon Dwata.

Malakay 2:12

Yóm tau mò du yó, Dwata he hol mkó du lem blóng yó kem tau Israél yóm tau lómónen yó nmoen. Là buden hyu ke bud wen nwiten se kun mò blayen ebè yóm Dwata laen dù là gbeken du.

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

Malakay 2:13

Bud sotuhen, tey gel kkik ye ta yóm gónó gel demsù ebè Dwata, dnumu nkik ye yóm là kehmóyô Dwata yóm gel blay ye du ne yóm là kehligalen du yóm lemwót lem hólól ye.