Lista 3:3 - Udél Dwata: Gna Kesfasad ne Lomi Kesfasad

³ Ni kem ngà Aron logi ni, deng tenwél Musis hnolo te kulu le, hetfingen lu mò tau blóng ebè Dwata.Okóm kul le Nadab ne Abihu, hnatay Dwata lu bè yóm benwu laen hol wen tauhen boluyen Sinay lan le tódô lembù demsù ebéléen yóm ofi là hmoen du kul. Laen dù ngà le se kul. Yó gónóm mon, són Ilisar ne Itamar yóm mò blóng tau ebè Dwata bè yóm kun kdaw yóm mà le Aron.

Lista 3:3 Referans Kwoze

Hibru 7:28

Yóm tau tehe gel nélék le mò blóng le ebè Dwata, gel lolò le yóm hlau Musis. Bede sal wen gónó le là gulit yó kem tau nélék le yó. Okóm wen fasad Dwata tekuy tukô huli yóm hlau Musis, bud hlanen bè yóm boluyen mò hemget du. Lemwót bè yóm fasaden tekuy yó, yó gónón mélék yóm hol Ngaen mò fen blóng tekuy ebéléen. Yóm Ngaen yó, laen kô dù gónón là gulit bè yóm keseblóngen tekuy ebè Dwata, ne laen dù tul sónen snéen yóm kguliten yó.

Kehewà 40:15

Ominen yó, tenwélem hnolo ta kulu le lómón yóm ketwélem ke mà le anì baling le mò blóng tau ebéléu se kul. Nim ketwélem kul ni mò ilô yóm klaen dù sónen yóm keseblóng yó kem lugod le ebéléu.”

Kehewà 40:13

Hesekem ke Aron yóm nes mò lesek yóm tau blóng ebéléu. Tenwélem hnolo ta kuluhen mò ilô yóm kéléku du mò blóng tau ebéléu.

Lista 3:4

Okóm kul le Nadab ne Abihu, hnatay Dwata lu bè yóm benwu laen hol wen tauhen boluyen Sinay lan le tódô lembù demsù ebéléen yóm ofi là hmoen du kul. Laen dù ngà le se kul. Yó gónóm mon, són Ilisar ne Itamar yóm mò blóng tau ebè Dwata bè yóm kun kdaw yóm mà le Aron.

1 Tutul Israél 23:6

Omin Dabid mólól kul bè tlu bung yó kem sfu Libay yó, oloen bè tbong yóm tlu kem ngà Libay logi boluy le Gérsum, Kuhat ne Mirari. Là gomongen bè nili yóm tsaptér 23:7 efet kól bè tsaptér 27:34. Yó tulónen lem ni kem tsaptér ni yóm boluy yó kem sfu Libay, ne boluy yó kem tau gel blóng ebè Dwata, ne boluy yó kem tau hulung mò sngal hmung le bè yó kem dê gel nuni le, ne boluy yó kem tau mentey bè bak tikeb yóm Gónô Dwata, ne boluy yó kem kmandér bè yó kem sendalù, ne boluy yó kem tau genlal Dabid bè yó bè Israél.