Lista 1:3 - Udél Dwata: Gna Kesfasad ne Lomi Kesfasad

³ deng lewu folò halayen duhen ke deng mukas, yó kem logi deng gbek le mung bè sendalù.

Lista 1:3 Referans Kwoze

Lista 14:29

Bè nim benwu laen hol wen tauhen ni, bè ni gónó ye angat matay ne gotu bélét gu lemen yó kem tiol ye. Lemwót bè yóm seflós ksel ye du laen kô dù bélê ye gehlós edu yóm benwu tu ke deng gefet lewu folò halayen duhen ke deng mukas lewu folò.

2 Samwél 24:9

Gotu tulón Juab yóm tau hol geta yóm kdê tau lista le. Bè benwu Israél, yó kwen kem logi deng hulung mogot sudeng, botong wolu latu libu, ne limu latu libu bè Juda.

Lista 32:11

‘Là kóen bud mulék elem baku nim udélu ni. Lemwót bè yóm là kimón le do, laen dù bè yó kem logi tehe lemwót gu bè Idyip deng lewu folò halayen duhen ke deng mukas, ke gógów edu yóm tonok deng tehe fasadu kul le Abraham ne Isak ne Jakub.’

Kehewà 12:17

Tendo nulit nmò ye ket halay nim mò ken ni mò gónó ye hemtulón du nawa yóm kdaw kehewau kuy gu bè Idyip. Nim hlolou kuy ni, laen dù mtukul sónen yóm gel kmò ye du.

2 Tutul Israél 25:5

Yó bud nmò Amasaya, gotu sentifunen yóm kdê logi lemwót bè tbong Juda ne bè tbong Bindyamin, nólólen lu bè libuhen ne bè latuhen, ne wen halaken kul. Ominen hlista kul, ne botong tlu latu libu logi deng lewu folò halayen duhen ke mukas, gembek mung bè gida, ne deng le gotu hulung mogot buyus ne klung.