Lista 1:1 - Udél Dwata: Gna Kesfasad ne Lomi Kesfasad

¹ Bè yóm gewuhen halay kogol yóm kehewà le gu bè Idyip yó kem tau Israél, hanà le tolo nô bè yóm benwu laen hol wen tauhen boluyen Sinay. Bè yóm tanay kdaw bè yóm gewuhen bulón, bud mudél ebè Musis Dwata ditu lem yóm Gónô gónóhen gel nô lem blóng le, monen,

Lista 1:1 Referans Kwoze

Kehewà 19:1

Bud tnagak yó kem tau Israél yóm benwu Rifidim. Bè yóm tanay kdaw bè yóm getluhen bulón kogol yóm kehewà le gu bè Idyip, bud le kól bè yóm benwu laen hol wen tauhen boluyen Sinay. Bè yó gónó le na bud kmamfù bè but yóm Bulul Sinay.

Kehewà 40:17

Duhen yó, bè yóm tanay kdaw bè yóm tanay bulón bè gewuhen halay kogol yóm kehewà le gu bè Idyip, hdà le yóm Gónô Dwata gel nit le mógów.

Kehewà 40:2

“Ke sok sut yóm lomi halay, bè yóm tanay kdaw bè yóm tanay bulón, hdà ye yóm Gónô mò gónóhu nô lem blóng ye.

1 Bok Kem Tau Hol Geta 6:1

Yóm kbut kehdà Selumun yóm Gónô Dwata, hdaen bè yóm gewuhen bulón boluyen Sib bè yóm gfaten halay mogot bè Israél. Nim kbut kehdaen du ni, deng fat latu bud wolu folò halayen ne kegen Dwata deng tehe hewà yó kem tau Israél gu bè yóm keghesek le bè Idyip.

Lista 1:18

gotu sentifun le yóm kdéen tau Israél bè yóm tanay kdaw bè yóm gewuhen bulón. Yó gónó le gotu semtifun kul anì gotu le hsulat boluy ne bè yóm kehsulat le, hlan le bè ktolen ne hlan le bè fes lówó le. Ne yó nmò le bè yóm kdéen logi lemwót bè lewu folò halayen duhen ke deng mukas, gotu lista le lu ne gotu nsó le lu

Lista 12:4

Timbow gungol Dwata yóm udél le yó koni, tódô kendel mudél ebè Musis tlu le Aron ne Miryam, monen mò kul, “Na ye mógów etu bè yóm dou Gónô yóm tlu ye.” Tahu se, lemwót le.

Dwata 1:3

Okóm botong fat folò halay le ne deng kegen le tmagak yóm benwu Idyip yó kem tau Israél. Ne bè yóm tanay kdaw bè yóm gesfoloen sotu bulón bè yóm gfaten folò halay yó, gotu tulón Musis yó kem tau Israél yó kem htulón Dwata du bélê le.