Kulasi 4:2 - Udél Dwata: Gna Kesfasad ne Lomi Kesfasad

² Bê ye htakas mni bè Dwata, ne bê ye se abay tódô gel hlingay. Hol hmung ye yóm gel kdóyón ye du.

Kulasi 4:2 Referans Kwoze

Flipay 4:6

Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Sulat Pol Ebè Yó Kem Tau Hemtahu Bè Rom 12:12

Hol tendo hlaan ye nawa ye abay se wen yóm hendón nefet nawa ye. Bê ye tnalaw ke wen gónó ye gel glayam. Tódô senflós ye mni bè Dwata.

Matyu 26:41

Bê ye tagad tungô dé. Hol ye mni bè Dwata anì là wen gónó ye gsindil bè Seitan. Tngónu wen se óyô ye mò du yóm monu mò kuy ni, okóm là gbek lówó ye du.”

Kun Snulat Luk 18:1

Bud wen hlingón tulón Jisas yó kem gel lemolò du mò gónó le dmalang yóm là ktakas le mni bè Dwata anì là kendelen gel hlóng sidek kegnóm le du.

Kun Snulat Luk 21:36

Yó gónó ye eles hol temgama, ne bê ye senkó yóm tendo gel mni bè Dwata anì gbek ye hembala du yóm kdê tulónu kuy ni, ne angat laen kô dù gónó ye myak sok ye mdà bè solu yóm Ngà Tau.”

Kem Lingón 109:4

Tey kbong nawahu kul, okóm kul, mom hohon le ou igou sem gel mni kul bè Dwata.

1 Pitér 4:7

Móyón sut ne yóm hol són kdaw. Duhen yó, hol ye gel hfulung mafas nawa, bê ye gel hlingay anì laen dù gónón gseng yóm gel kni ye bè Dwata.

Kulasi 1:9

Yó gónóm mon, lemwót bè yóm kungol me du yóm kehtahu ye, là kóen skó yóm tendo gel kni me bélê ye bè Dwata. Yó gel hni me béléen anì hol hetngónen kuy yóm kun kóyô, hlanen bè yóm khulung hedem ne yóm khulung milô gel blayen tekuy yóm kun Tulus.

Mark 13:33

Yó gónóm mon, eles ye temgama, ne bê ye hlingay, abay se là kô tngón ye du yóm kdaw angat kkólu.

Kulasi 3:17

Duhen yó, bè ket nmò ye duhen ket benkó ye, hol na ye na hlan bè boluy yóm gónó tekuy mogot Jisas. Bud béléen snéen gónó ye hlan du yóm kdóyón ye ke Dwata yóm Mà tekuy.

Kulasi 2:7

Henlel ye dé hdolil béléen, bê ye abay skó du anì baling mbegel yóm kehtahu ye lómón yóm tehe tolok le kuy. Ne tódô senflós ye dmóyón ke Dwata.

Kulasi 4:12

Tey gel kólóm Ipafras kuy snéen kun sotu tau lemwót dyó bélê ye, yóm sotu tóbóng lówó Krays Jisas. Tey gel knihen bélê ye bè Dwata anì hol hbegelen yóm kehtahu ye, ne anì hol gtukul ye yóm kun kóyô bélê ye Dwata ne anì hol gulit klolò ye du.

1 Samwél 12:23

Ke béléu do, ke là henlelu du mni bélê ye bè Dwata, salau bè Dwata se yó ne là kóe móyô mò du yóm yó. Ne henlelu tmolok du kuy yóm lan hyu ne yóm lan tedeng mò lolò ye.

Kulasi 3:15

Wen yóm kenek nawa deng blay Krays. Nim kenek nawa ni mò gónó tekuy milô du yóm kun kóyô bélê tekuy Dwata. Yakà ni du gónón tmaba kut anì wen kenek nawa tekuy yóm kdê tekuy mò lówóhen. Ne hol gel dóyón tekuy dé Dwata.

Kul Nmò 1:14

Ket kiwól le gel sbung bè yó na a mni bè Dwata. Wen se kem libun gel mung bélê le, dalang se ke Midi, Yê Jisas. Ne yó kem twoli Jisas, gel le mung snéen kul.

1 Samwél 1:12

Yóm igò Hana mni bè Dwata, tenngel Ili sumóngen.