Kmukum 9:2 - Udél Dwata: Gna Kesfasad ne Lomi Kesfasad

² Yó monen mò kul ne bè yó kem dumu fes lówó yéen, “Snólók ye do kun yó kem tau bè ni bè Sékém ke mahil du nóyô le mò mogot kul, yóm hitu folò kem ngà Gidyun logi kô duhen ke olon sotu tau? Hentulón ye nawa ou se hol kuy dumu ne kuy litô.”

Kmukum 9:2 Referans Kwoze

Kmukum 8:30

Yó kdê ngaen logi, botong hitu folò abay se tey dê yehenen.

Tekang Kbuten 29:14

mon Laban se, “Tahu se, hol tahu ngau uu, ssotu litô te.” Botong sbulón Jakub nô bélê le.

Hibru 2:14

Yó kem ngà mon Jisas yó koni, kem tau te tonok se yó, wen unged le ne wen litô le. Ne ke Jisas kun, hbaling tau mkél bélê tekuy. Yó gónón mò du anì fen matay bélê tekuy. Lemwót bè yóm katayen yó mò lanen gemlà ke Seitan, yóm fen mogot yóm hatay.

1 Tutul Israél 11:1

Omin le gotu mógów ebè Dabid bè Hibron yóm kdéen tau Israél, ne yó mon le mò du, “Ngem, mi se yó kem kóm dumu ne kóm litô.

Ifisus 5:30

yakà deng tekuy baling hol kun lówó.

2 Samwél 19:13

Ne bud wen udél hwit Dabid ebè Amasa, monen, “Lemwót bè yóm kessotu litô te, Dwata he hol tmafak dou ke là nmou kóm kmandér bè yó kem sendaluu mò tles Juab.”

Kmukum 9:5

Kewót Abimélék bè yó, niten yó kem tau yó ebè gónô maen bè Ufra ne bè yó ta yóm sotu botu bong gónó le hmatay yóm hitu folò kem dumun setwoli, hono kem ngà Gidyun logi. Okóm wen sotu ngà Gidyun són twoli boluyen Jutam fen hebnos ne là ghatay Abimélék du.

Kmukum 9:18

Okóm kemdaw ni, deng mom hohon ye yó kem fes lówó mà. Gotu hnatay ye yóm hitu folò kem ngaen logi ta yóm sotu botu. Yó gónó ye mò du yóm yó lemwót bè yóm kélék ye ke Abimélék, yóm ngà mà bè yóm libun nmuhen lemwót bè Sékém. Yó gónó ye mélék du abay se kuy dumu.