Kmukum 9:19 - Udél Dwata: Gna Kesfasad ne Lomi Kesfasad

¹⁹ Duhen ni, ke ni se gónó ye hegfan du yóm nawa ye ebè Gidyun ne bè yó kem fes lówóhen, hol ye hligal sen mung ke Abimélék ne hyu ke hligal bélê ye se kun.

Kmukum 9:19 Referans Kwoze

Isaya 8:6

“Lemwót bè yóm kekbê yó kem tau bè Juda du yóm él bélê le boluyen Silu yóm él alì ganag klelen ne lemwót bè yóm alì ksidek klikò le ke Risin ne Pika,

Sulat Jim 4:16

Okóm kuy, mo ye mom hegmón ne hton salù. Tey sidek se yóm nmò ye yó.

Flipay 3:3

Bè ktahuhen, tekuy se yóm tau wen tahu ilóen, là kô lu du. Abay se tekuy se yó kem tau gel hloni bè Dwata hlanen bè Tulusen. Tekuy se yóm alì hligal lemwót bè yóm deng kessotu tekuy bè Krays Jisas. Là bud snalig tekuy du ne yó kem gel hlolò tau mò lan tekuy gewà gu lem hatay.

Kmukum 6:32

Lenwóten bè yó ne, yó hlós taba le ke Gidyun, Jirub-baal, lemwót bè yóm kmon maen du, “Tódô nofin Baal yóm kun knô igoen kun gónô demsù yóm deng genbà le.”

Kmukum 9:18

Okóm kemdaw ni, deng mom hohon ye yó kem fes lówó mà. Gotu hnatay ye yóm hitu folò kem ngaen logi ta yóm sotu botu. Yó gónó ye mò du yóm yó lemwót bè yóm kélék ye ke Abimélék, yóm ngà mà bè yóm libun nmuhen lemwót bè Sékém. Yó gónó ye mélék du abay se kuy dumu.

Kmukum 9:20

Okóm ke là tikawen bè nawa ye yóm kélék ye du, wen ofi gu bè Abimélék gotu nlóben yó kem tau bè Sékém ne bè Bit-milu. Ne bud wen se ofi gu bè yó kem tau bè Sékém ne bè Bit-milu na le e nlób Abimélék se kun.”