Kmukum 9:17 - Udél Dwata: Gna Kesfasad ne Lomi Kesfasad

¹⁷ Hendem ye dé yóm tehe kesgida mà bè yó kem tau Midyan. Là kô nalihen du klowilen, botong lanen mofin kuy anì gewà ye lem hólól yó kem tau Midyan.

Kmukum 9:17 Referans Kwoze

Deng Hegfan 12:11

Okóm deng le matù béléen yó kem kut dumu setwoli deng hemtahu mlan bè kun litô yóm Ngà Ubiha deng gamà bélê le, ne bud mlan bè yóm ktahuhen deng gel hból le. Là kô knamà le du klowil le efet katay le.

Sulat Pol Ebè Yó Kem Tau Hemtahu Bè Rom 16:4

Udì duen deng le tô matay se kul lan le tmóbóng dou. Tey kdóyónu ke Dwata bè yóm któbóng le do yó. Senged snéen yóm kdéen tau là Ju le deng hemtahu bè Dwata bè ni, tey kdóyón le ke Dwata se kul.

Sulat Pol Ebè Yó Kem Tau Hemtahu Bè Rom 5:8

Okóm ke Dwata kun, deng hegfanen yóm tey kbong nawahen tekuy bè yóm tehe le khógówen ke Krays edini, mò fen matay bélê tekuy igò tekuy tolo gemsalà.

Istér 4:16

“Gotu sentifunem kdéen Ju bè Susa anì gotu ye fasting. Hol bê ye tagad mken duhen ke minum lem yóm tlu buteng. Senged se dou ne yó kem ngà libun gel tóbóng lówóhu bud nmò me se kum. Sok deng yó, mógówe ebè tum tau hol geta baluen ke nuléhu yóm udinen. Ke mataye du nim nmou ni kem kunen ne.”

Kmukum 9:16

“Duhen ni,” mon Jutam, “deng hol lemwót bè ktikaw nawa ye kô yóm kélék ye ke Abimélék mò tau hol geta bélê ye? Bè yóm kehegeta ye ke Abimélék, ni kô gónó ye hegfan du yóm tehe kadat ye ke tehe mà ne yó kem fes lówóhen lemwót bè yóm tey hyu tehe nmoen bélê ye?

Kmukum 9:18

Okóm kemdaw ni, deng mom hohon ye yó kem fes lówó mà. Gotu hnatay ye yóm hitu folò kem ngaen logi ta yóm sotu botu. Yó gónó ye mò du yóm yó lemwót bè yóm kélék ye ke Abimélék, yóm ngà mà bè yóm libun nmuhen lemwót bè Sékém. Yó gónó ye mélék du abay se kuy dumu.

1 Samwél 19:5

Deng hamaen klowilen bè yóm khatayen ke Gulayat yóm tau Flistin alì bong, ne yó se buten gónó Dwata hegmò kul yó kem tau Israél. Deng tonem se yó ne tey kehligalem. Moen se ke tô hnatayem yóm tau laen dù salaen béléem? Ne laen kô dù lasunem hmatay du.”