Kmukum 9:15 - Udél Dwata: Gna Kesfasad ne Lomi Kesfasad

¹⁵ Yó balaen kul yóm ngà koyu semnual yó, monen, ‘Yó ne. Ke hol ye móyô ke ou geta bélê ye mógów ye edini, tilów ye hgolung laanu. Ke là móyô ye, angat wen ofi lemwót béléu mò mlób yó kem koyu sidar alì lembang bè Libanun.’ ”

Kmukum 9:15 Referans Kwoze

Isaya 30:2

Tódô le htóbóng bè Idyip, là dog le gna smólók béléu. Kóyô le ke Idyip fen mofin kul, yó gónó le smalig du yóm tau hol geta bè yó.

Husiya 14:7

Na le na bud heklung béléu he yó kem dou tau. Angat tey tilob klowil le, hol lómón ke yóm halay tilob ktowoken ne lómón ke yóm grép tilob kbunguhen. Angat tey któtól le, hol lómón któtól yóm tifas grép nmò le bè Libanun.

Isaya 2:13

Angat gotu hfugónen yó kem koyu alì tahà bè benwu Libanun boluyen sidar. Hfugónen snéen yó kem koyu alì mtétél bè benwu Basan boluyen ok.

Kmukum 9:20

Okóm ke là tikawen bè nawa ye yóm kélék ye du, wen ofi gu bè Abimélék gotu nlóben yó kem tau bè Sékém ne bè Bit-milu. Ne bud wen se ofi gu bè yó kem tau bè Sékém ne bè Bit-milu na le e nlób Abimélék se kun.”

Danyél 4:12

Tey knóón ton yó kem dounen ne tey kbunguhen anien ke kdéen tau talak tonok gotu mken du. Són laanen gónó le hgolung yó kem ógóf lem bnes ne yó kem onuk koyu gotu le smala ta hangahen. Tódô kdê yó kem mowil te tonok, gotu mken bunguhen nim koyu ni.

Isaya 37:24

Deng wen kem tau genlalem hógówem ebéléu, tey sidek keheklabak le. Yó gotu tulón le, dengi gemmò kun bè yó kem bulul alì geta bè Libanun. Ne deng gotu nofokem yó kem koyu sidar alì tahà ne yó kem koyu siprus alì tilob, dengi gefet kun bè hol gónón sóól yóm tey dlag lamang.

Kem Lingón 104:16

Yó kem koyu sidar bè Libanun, tendo wen kulón eta le. Yó se hol kun koyu Dwata, yóm koyu hol kun hulu.

Lista 21:28

Bè yóm gnan kdaw, lemwót le bè ni bè syudad Hisbun yó kem sendalù Sihun. Hol lómó kmò le lómón ke ofi. Gotu genlà le yóm syudad Ar snakuf Muab. Gotu ntem le yó kem bulul lemnek bè kulu Él Arnon.

Matyu 13:32

yóm lem hulu alì lemnek bè kdéen. Okóm ke deng tmowok yóm huluhen yó, tey bong, ne baling koyu, ne gotu le smala gu te hangahen yó kem onuk koyu.”

Isaya 1:31

Yóm bnes ke deng hol mékéng, balù olon kutu ofi mógów edu sana ketomen. Hol lómón yó se kmò keglà le yó kem tau wen kfasangen nim kmoen ni. Tódô lemwót bè kul ksidek nmò gónó le meglà. Ne laen kô dù tau gembek hemseng du bélê le yóm keglà le.

Kmukum 9:14

Bè sónen beklil le ebè yóm ngà koyu lefungu semnual, mon le, ‘Uu ne mò geta bélê me.’

Kmukum 9:16

“Duhen ni,” mon Jutam, “deng hol lemwót bè ktikaw nawa ye kô yóm kélék ye ke Abimélék mò tau hol geta bélê ye? Bè yóm kehegeta ye ke Abimélék, ni kô gónó ye hegfan du yóm tehe kadat ye ke tehe mà ne yó kem fes lówóhen lemwót bè yóm tey hyu tehe nmoen bélê ye?

Kem Lingón 29:5

Gbeken temfok yó kem koyu sidar alì mtétél, tenfoken yó kem koyu sidar bè Libanun.