Kmukum 8:4 - Udél Dwata: Gna Kesfasad ne Lomi Kesfasad

⁴ Kewót le Gidyun bè yó, mung du yóm tlu latu kem sendaluen mifal le Él Jurdan. Tey sidek kliteg le okóm tódô henlel le kemtes yó kem hohon le.

Kmukum 8:4 Referans Kwoze

Glasya 6:9

Duhen yó, bê tekuy abay htakas mò du yóm hyu, abay se angat wen tey guta tekuy du ke là htakas tekuy.

2 Kurin 4:16

Yó gónóm mon, là kô me na a tmakas mò du yóm hmò Dwata kum. Bong bè ni dum lówó me, sónmoen minut mtón gelen ket kdaw. Okóm bè yó dum kehtahu me, sónmoen temnù.

1 Samwél 30:10

Ne wen lewu latu bélê le tebel bè yó, là gbek le mifal du yóm él yó lemwót bè yóm alì sidek kliteg le. Fen fat latu hlós mung ke Dabid.

Kmukum 7:25

Kenfô le yóm lewu kem tau hol geta bè yó kem tau Midyan. Yó boluy le Urib ne Sib. Lemwót ke Urib kun, hnatay le bè yóm sotu botu hlós boluy le du Botu Urib. Lemwót ke Sib kun, fen hnatay le bè yóm gónó le gel kemmes él grép ne hlós boluy le du Sib. Tódô henlós le kemtes yó kem tau Midyan. Kogolen bè yó nwit le ebè Gidyun kulu le Urib ne Sib ditu bè kilil Él Jurdan.

Kmukum 8:3

Ngem yó dé, deng blay Dwata elem hólól ye yóm lewu kem tau hol geta bè yó kem tau Midyan, Urib lewu le Sib. Là kô deng gmou du he dou yóm nmò ye yó.” Bè yóm kmon Gidyun du yóm yó, botong monol kebut le du yó kem sfu Ifraim.

1 Samwél 30:8

Omin Dabid smólók ke Dwata, “Ktesu lu kô ni kem tau mundug ni? Angat gutahu lu kô?” Ne yó balà Dwata du, monen, “El, ktesem lu. Angat gotu bud gwa ye yóm kdê deng negef le bélê ye.”