Kmukum 8:35 - Udél Dwata: Gna Kesfasad ne Lomi Kesfasad

³⁵ Balù yóm tey kehyu yóm deng nmò Gidyun lem blóng yó kem tau Israél, ewenem là kô dog nadat le yó kem fes lówóhen.

Kmukum 8:35 Referans Kwoze

Kmukum 9:5

Kewót Abimélék bè yó, niten yó kem tau yó ebè gónô maen bè Ufra ne bè yó ta yóm sotu botu bong gónó le hmatay yóm hitu folò kem dumun setwoli, hono kem ngà Gidyun logi. Okóm wen sotu ngà Gidyun són twoli boluyen Jutam fen hebnos ne là ghatay Abimélék du.

Kmukum 6:32

Lenwóten bè yó ne, yó hlós taba le ke Gidyun, Jirub-baal, lemwót bè yóm kmon maen du, “Tódô nofin Baal yóm kun knô igoen kun gónô demsù yóm deng genbà le.”

Kmukum 9:1

Sotu kdaw lemwót Abimélék yóm ngà Gidyun logi, mógów ebè Sékém yóm benwu gónóhen nô yéen ne yó kem mà dien.

2 Tutul Israél 24:22

Là kô hendem Juas du yóm tey kehyu nawa Jihuyada ebéléen yóm mà Sikaraya, mom hnatayen yóm ngaen. Bè yóm katay Sikaraya, yó monen, “Ton Dwata he yóm nmò ye ni, ne du meles kuy.”