Kmukum 8:28 - Udél Dwata: Gna Kesfasad ne Lomi Kesfasad

²⁸ Duhen yó, deng le gemmò bè yó kem tau Midyan yó kem tau Israél, ne laen kô dù bud gmò le bélê le yó kem tau Midyan yó. Yó kegenen menek kbenwu le yó kem tau Israél, botong fat folò halayen efet katay Gidyun.

Kmukum 8:28 Referans Kwoze

Kmukum 5:31

Ó Dwata, yake gotu le matay yó kem hohonem lómón yóm kun katay Sisira. Okóm yóm kul klowil yó kem tau kembong nawa kóm, hol lómón kehyuhen lómón ke btù mata kdaw.” Kogolen bè yó, botong fat folò halayen kegenen menek kbenwu yó kem tau Israél.

Isaya 9:4

Yakà deng tódô tenfokem du yóm yok tehe alì hmayam kul. Dalang se yóm bogul tehe gel bogul le bè abal le, deng tódô tenfokem. Abay se deng gotu genlaem yó kem hohon le tehe alì mongò hemsidek kul. Hol lómón keglaem kul lómón yóm tehe keglaem yó kem tey sendalù wen lemwót bè benwu Midyan.

Kmukum 8:27

Okóm deng mom yó mu Gidyun du yó kem tdé blówón yó, deng mom nmoen dwata lennged ne suen bè yóm kun benwu bè Ufra. Là legenen bè yó, tódô kdê yó kem tau Israél deng mom knogol le Dwata, gotu le tmaba ebè yóm dwata lennged yó. Ne bè yó se gónón gholot Gidyun ne yó kem fes lówóhen.

Kmukum 8:29

Bè yóm kulék Gidyun, tódô hlós ebè gónóen.

Kem Lingón 83:2

Là gungolem du kô lendel yó kem hohonem? Là tonem du kô nmò yó kem hohonem, kem tau alì heklabak?

1 Samwél 7:13

Yó gónóm mon, là kô le bud gemmò yó kem Flistin ne là bud le mundug ebè benwu yó kem tau Israél. Yóm klawi Samwél mowil tendo wen lan Dwata hemseng kul yó kem Flistin.