Kmukum 8:27 - Udél Dwata: Gna Kesfasad ne Lomi Kesfasad

²⁷ Okóm deng mom yó mu Gidyun du yó kem tdé blówón yó, deng mom nmoen dwata lennged ne suen bè yóm kun benwu bè Ufra. Là legenen bè yó, tódô kdê yó kem tau Israél deng mom knogol le Dwata, gotu le tmaba ebè yóm dwata lennged yó. Ne bè yó se gónón gholot Gidyun ne yó kem fes lówóhen.

Kmukum 8:27 Referans Kwoze

Kem Lingón 106:39

Deng gholu le kul knô lemwót bè yó kem sidek gel nmò le. Ne yóm alì kóyô le tmaba bè yó kem dwata lennged, bè kton Dwata du, hol lómón ke deng le mò samuk béléen.

Dwata 7:16

Gotu genlà ye lu yó kem but tau deng sù Dwata lem tdok ye ne hol bê ye abay knodu lu. Ne hol bê ye abay tmaba ebè yó kem dwata le abay se bè yó gónó ye gholot.

Kmukum 6:24

Omin Gidyun semsodò botu bè yó mò gónóhen demsù ebè Dwata ne yó boluyen du, “Lemwót bè Dwata yóm kenek nawa.” Efet ni kmoen ni sana knóen bè yó bè Ufra yóm gónô demsù yó, nfun yó kem kun ból Abisér.

Kehewà 23:33

Hol bê ye abay hbenwu lem blóng ye yó kem tau yó. Ke henmóyô ye lu, gemsalà ye béléu lan le mit kuy hlayuk béléu. Ke gbót ye tmaba ebè yó kem kul dwata kéng, yó se gónó ye gholot.”

Husiya 2:2

“Okóm ni, kem ngau hol ye hkodu bè yê ye, abay se là bud yehenu du ne là se bud yehenen do se kun. Henkodu ye béléen anì olò tenfloken yóm tendo kehdóyónen. Olò kóhen ne yóm dê suen lem uyóhen dalang se yóm nes hemyak knô gel leseken.

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Kem Lingón 73:27

Yó kem tau kmogol nawa kóm, Dwata, angat le gotu matay. Yó kem tau là teneb le béléem, genlaem lu.

Kmukum 6:11

Sotu kdaw bè yó, wen hógów Dwata gu bè longit sut bè yóm benwu boluyen Ufra, myón laan yóm koyu boluyen ok nfun Juas yóm tau lemwót bè tbong yóm tehe Abisér. Nim Juas ni, wen ngaen logi boluyen Gidyun tolo hebnos kmusu bè yóm gónó le gel kemmes él grép anì là ton le du yó kem tau Midyan yóm kkusuhen.

Dwata 12:5

Bè klamang yóm benwu gónó ye angat nô kem tau Israél, wen sotu benwu angat nélék Dwata mò gónó ye hloni ebéléen ne mò gónó ye tmaba ebéléen.

Dwata 7:25

Gotu dnutung ntem ye yó kem dwata lennged le. Bê ye abay tô niwol yó kem dwata lennged nmò le bè tahu blówón ne bè blówón bukay ne hol bê ye abay tô nwa ke mò kuy. Ke nwa ye, bè yó ne gónó ye gholot abay se tey kenbê Dwata yóm tau tmaba ebè yóm dwata kéng.

Kmukum 8:26

Yóm keblat yóm tdé tahu blówón deng blay le ke Gidyun, mukas sfolò wolu kilu. Là gomongen lemen yó kem dumu ngom mebtes yó kem tau hol geta bè Midyan ne yó kem nes megem ginggung gel lesek le ne yó kem klóón mebtes lieg yó kem kamél le.

Kmukum 8:28

Duhen yó, deng le gemmò bè yó kem tau Midyan yó kem tau Israél, ne laen kô dù bud gmò le bélê le yó kem tau Midyan yó. Yó kegenen menek kbenwu le yó kem tau Israél, botong fat folò halayen efet katay Gidyun.

Kehewà 32:4

Omin Aron ma kul ne hnoen. Ominen temwél du ngà safì tudu blówón. Ne yó mon yó kem tau, “Ó kem tau Israél, ni se yóm dwata lennged tekuy, yóm deng hewà tekuy gu bè Idyip.”

Kehewà 34:16

Ngangen efet le myehen bè kul libun yó kem ngà ye, yóm mit kul là hemtahu béléu ne mung le tmaba bè yóm kul dwata lennged.

Kmukum 2:2

Ne yó deng kuy fasad do, béen wen senfasad ye bè yó kem tau menwu bè ni. Deng tehe dóku kuy hol genbà ye yó kem gónó le gel demsù ebè yó kem kul dwata lennged. Okóm là kô nimón ye du yóm deng hmou kuy yó.

Kmukum 2:3

Ngem, lemwót bè yóm là kimón ye yó, là hdóhu kul ta nim tonok ni yó kem tau menwu tahen. Baling hohon ye lu. Ne yóm knô ye lem blóng le, hol lómón kegnóm ye du ke nô ye lem sual ne angat yó se gónó ye gholot bè yó kem kul dwata.”

Kem Lingón 106:35

Deng mom yó nmò le, mung le segbót bélê le, ne lolò le yó kem sidek nmò le.

Husiya 3:4

Yó hnigaden yóm udél Husiya ni, nahen hol legen he bè yó kem tau Israél yóm klaen dù tagad tau hol geta bélê le duhen ke ngà tau hol geta mò malak kul. Nahen hol legen he yóm klaen dù bélê le bud demsù ebè Dwata ne laen se dù bud botu hdà le mò gónó le tmaba ebè yó kem dwata kéng gel tnaba le. Laen se bud dù tau blóng ebè Dwata ne balù yó kem dwata lennged, laen dù bud tonem lem blóng le.