Kmukum 8:24 - Udél Dwata: Gna Kesfasad ne Lomi Kesfasad

²⁴ Okóm yó bud monen mò kul, “Ni wen hnihu bélê ye yóm ket kuy na sotu. Benlay ye o ket kuy na sotu yóm tdé deng negef ye bè yó kem tau Midyan.” (Abay se yó kem tau Midyan sket le temdé tahu blówón, skél le bè yó kem dumu tau menwu bè yóm benwu laen hol wen tauhen.)

Kmukum 8:24 Referans Kwoze

Tekang Kbuten 25:13

Yó boluy le lenwóten bè yóm hol twogu, Nibayot ne Kidar ne Adbil ne Mibsam

Tekang Kbuten 37:28

Ne timbow le kól bè yó, yó kem tau gel mit udél swa yó koni, lemwót yó kem twogu Jusif senkteng le Jusif gu lem yóm kokol nelem ne hbalù le bè yó kem tau mit udél swa bè lewu folò botù blówón bukay. Lemwót se kul yó kem tau mit udél swa yó, hlós nit le Jusif ebè Idyip.

Tekang Kbuten 37:25

Bè yóm igò le tolo mken tódô ton le yó kem tau stodol mógów gu ditu, hono kem tau mit udél swa semfu gu bè Ismaél. Bè yóm kógów le yó, lemwót le gu bè Gilyad mógów le ebè Idyip. Sket lenulón le yó kem kamél yóm kdê kay som gel hbalù le ne yó kem litok koyu gel nmò bulung ne nmò yó kem hboo alì tilob boohen.

1 Samwél 25:11

Mone tô blayu ebè yóm tau là tngónu du gónón lemwót kô yóm mambangu ne élu ne utón deng hnatayu mò hkenu yó kem tau hungusu bul ubiha?”

Kehewà 32:3

Tahu se, gotu lenkas yó kem tau yó kem blówón tdé le ne nwit le ebè Aron.

Kehewà 12:35

Blaem yó kem tau Israél, deng le eles mni kem ngom libun nmò le bè tahu blówón ne bè blówón bukay bè yó kem tau Idyip, ne wen se kem nes deng eles hni le lómón yóm deng mon Musis mò kul.

Tekang Kbuten 24:53

Ominen gotu bemlay du ke Ribika yó kem nes libun nwiten ne yó kem ngom libun nmò le gu bè tahu blówón ne gu bè blówón bukay. Ne bud wen se kem kimu mebtes blayen yóm logi Ribika ne bè yéen.

Tekang Kbuten 24:22

Timbow deng gotu khinum Ribika yó kem kamél, lemwót yóm tóbóng lówó Abraham wen tising tahu blówón gel sù bè ilung nakaten, mung du yóm lewu blusù tahu blówón ne blayen ke Ribika.

Tekang Kbuten 35:4

Tahu se, gotu blay le ke Jakub kdéen dwata lennged nô bélê le lemwót bè tólóng benwu ne kdê yó kem tdé le, gotu lebeng Jakub lu laan yóm koyu boluyen ok moni bè Sékém.

Kmukum 8:25

Yó balà le du yó kem tau, mon le, “Tey hyu nawa me bemlay du kóm.” Hyu wen nes nból le ne sotu kun hemsù tahen sotu tdé tahu blówón deng negef le.

Tekang Kbuten 25:12

Ni se yóm tutul yó kem semfu gu bè Ismaél yóm ngà Abraham bè Hagar, yóm libun hesek Sara lemwót bè Idyip.

Kehewà 32:4

Omin Aron ma kul ne hnoen. Ominen temwél du ngà safì tudu blówón. Ne yó mon yó kem tau, “Ó kem tau Israél, ni se yóm dwata lennged tekuy, yóm deng hewà tekuy gu bè Idyip.”

Kehewà 32:8

Deng sana tebel le yóm lan hlolou kul ne deng wen ngà safì tudu tenwél le gu bè blówón ne tmaba le ebéléen ne demsù le ebéléen. Yó mon le, mò dwata lennged le kun, yóm mit kul hewà gu bè Idyip.