Kmukum 8:23 - Udél Dwata: Gna Kesfasad ne Lomi Kesfasad

²³ Bnalà Gidyun se, monen, “Là ou du yóm mogot kuy ne là se ngau du, kaem Dwata yóm sana kut Dwata hol gónó mogot.”

Kmukum 8:23 Referans Kwoze

Isaya 33:22

Ke wen bud mlan bè yó, gotu sidek yó kem htegen, baling laen dù bud muhen. Là bud gbek le mból du yó kem layalen. Yóm kdê kendengen yó kem hohon bè yóm kafal yó, gotu nwa tekuy. Ya tey kwenen, balù yóm tau tugô sana kwen kun nwa. Dwata se yóm hol geta bélê tekuy. Du se hol mogot tekuy ne mofin tekuy.

1 Samwél 12:12

Okóm timbow ton ye yóm móyón keglà Nahas kuy yóm tau hol geta bè benwu Amun, mógów ye ebéléu ne yó mon ye mò do, ‘Móyô me ke wen tau hol geta mò malak kum.’ Yó se udél ye igoen Dwata se yóm tau hol geta senflósen malak kuy.

1 Samwél 10:19

Okóm ni, deng mom kenbê ye o yóm kuy Dwata, yóm deng lemwà kuy bè yó kem gónó ye glayam ne bè yó kem gónón mgel bélê ye. Deng mom mon ye, ‘Là. Hyu ke wen tau hol geta bélê me.’ Duhen ni, mdà ye bè solu Dwata mlan bè ket tbong ye ne bè ket ktol ye.”

2 Kurin 1:24

Là kô nubug me kuy bè yóm kuy kehtahu. Kaem deng sana tngón me deng mbegel ne kehtahu ye. Okóm yó dé kóyô me ke wen lan me tmóbóng kuy anì hol temnù yóm kligal ye.

1 Pitér 5:3

Hol bê ye fen hdatù lem blóng le. Yu dé gónó le dmalang yóm hyu yó kem tau galak bélê ye.

Kmukum 2:18

Ke gel wen tau kmukum sù Dwata lem blóng le, tendo eles nô béléen Dwata yóm tau yó, ne klawihen mowil sal gel lenwà Dwata yó kem tau Israél lem tdok yó kem hohon le. Yakà tey kkodu Dwata kul yó kem tauhen bè yóm tey kehegnok le kul yó kem hohon le ne bè yóm tey kehlayam le kul.

Isaya 63:19

Yóm kmoem ebélê me ni, hol lómón ke là uu du yóm gónó me gel galak lemwót bè kbuten. Hol lómón ke là tauhem kum lemwót bè kbuten.

Kmukum 8:22

Kogolen bè yó, yó mon le mò ke Gidyun yó kem tau Israél, “Deng lenwaem mi bè yó kem tau Midyan, yake uu ne mò mogot kum ne yó mò tlesem hulin kdaw yó kem semfu gu béléem.”

Kem Lingón 10:16

Dwata se yóm hol geta laen kô dù tul sónen. Yó kem tau gel tmaba ebè yó kem dwata kéng, tódô gotu kó Dwata lu bè yóm kun benwu.

Kem Lingón 149:2

Ó kem tau Israél, hol hnigal ye yóm deng mifil kuy. Dalang se kuy, kem tau bè Jirusalim, hol hnigal ye yóm Hol Geta bélê ye.