Kmukum 8:20 - Udél Dwata: Gna Kesfasad ne Lomi Kesfasad

²⁰ Omin Gidyun mudél ebè Jitér, yóm ngaen twogu, monen, “Yó, hnatayem lu.” Okóm yóm ngà logi yó, là kô dog nsoken du sudengen, likò abay se hanà ngà.

Kmukum 8:20 Referans Kwoze

Kem Lingón 149:9

anì tafak le kul yóm tafak deng mon Dwata bè sulaten. Ni se mò gónó le megdóyón yó kem tau là monol nawa le bè Dwata. Hol dóyón tekuy Dwata.

1 Samwél 15:33

Okóm yó mon Samwél mò du, “Lemwót bè sudengem, deng tey dê libun laen dù bud ngà le logi. Ne ni, laen dù bud ngaen se kun yóm kóm yê.” Omin Samwél hmatay ke Agag bè yó bè solu Dwata bè Gilgal, tódô gotu heneken lówóhen.

Kmukum 8:19

Mon Gidyun se, “Hono kem dou dumu setwoli, hol me sulil lem. Ke yó dum là tehe hnatay ye kul, smafae bélê ye hlanu bè boluy yóm sana kum Dwata hol gónó mogot, là kô hnatayu kuy se kuy.”

Kmukum 8:21

Yó udél Siba ne Salmuna ebè Gidyun, mon le, “Uu ne hmatay kum. Là hyuhen ke hmoem ngà yóm kun nmò yóm tau bong.” Tahu se, hnatay Gidyun lu ne gotu nwahen yó kem klóón mebtes lieg kamél le.