Kmukum 7:24 - Udél Dwata: Gna Kesfasad ne Lomi Kesfasad

²⁴ Bud wen kem tau hógów Gidyun ebè yó kem bulul lemnek gónó le menwu yó kem tau semfu gu bè Ifraim, yó udél hwiten kul, monen, “Hol ye mosol edini na ye e gnida lu yó kem tau Midyan. Hnékét ye lu bè Él Jurdan ne bè yó kem dumu él mlel etu bè benwu Bitbara anì là gifal le du yó kem tau Midyan.” Tahu se, gotu le stifun yó kem sfu Ifraim, hnékét le yó kem tau Midyan bè Él Jurdan ne bè yó kem langanen mlel etu bè benwu Bitbara.

Kmukum 7:24 Referans Kwoze

Flipay 1:27

Ne ni se yóm hol bong muhen bélê ye ke hol seklóón ebè yóm Tulón Hyu gbak ebè Krays yóm gel kmò ye anì yó, ke sute lem blóng ye duhen ke là, laen dù dumu gungolu gu bélê ye són yóm hol kbegel yóm kehtahu ye, ne yóm hol kessotu nawa ye hol mfi du yóm deng kehtahu ye lemwót bè yóm Tulón Hyu.

Sulat Pol Ebè Yó Kem Tau Hemtahu Bè Rom 15:30

Wen hol gónóhu htóbóng bélê ye, kem dumuhu setwoli, hlanu bè Jisas Krays yóm gónó tekuy mogot, ne bè yóm kesbong tekuy nawa lemwót bè yóm Tulus Dwata. Yó hentóbóngu bélê ye, hol tnóbóng ye o mni bè Dwata,

Kun Snulat Jan 1:28

Yóm gónó le stulón yó koni, ditu bè yóm sotu Bitani seblà fi dmata kdaw él Jurdan, bè yóm gónó Jan gel mabtays.

Hbakuk 3:7

Yó kem tau bè Kusan ne bè Midyan, tonu lu tódô setbol kkel le lemwót bè alì klikò le bè yóm kton le du yóm yó.

Kmukum 8:3

Ngem yó dé, deng blay Dwata elem hólól ye yóm lewu kem tau hol geta bè yó kem tau Midyan, Urib lewu le Sib. Là kô deng gmou du he dou yóm nmò ye yó.” Bè yóm kmon Gidyun du yóm yó, botong monol kebut le du yó kem sfu Ifraim.