Kmukum 7:11 - Udél Dwata: Gna Kesfasad ne Lomi Kesfasad

¹¹ Ke kóli bè yó, hol hnungolem yóm sentulón le ne bè yó gónón mfól nawahem mundug kul.” Tahu se, lemwót Gidyun lewu le Pura mosol le edlem bè kilil yóm gónó le kmamfù yó kem hohon le.

Kmukum 7:11 Referans Kwoze

Ifisus 6:10

Ni se mò sónen yóm udélu ebélê ye. Hol hgel ye nawa ye lemwót bè yóm deng kessotu ye bè yóm gónó tekuy mogot, ne lemwót bè yóm tey kegbeken bélê ye.

Flipay 4:13

Laen dù là gbeku du lemwót bè yóm kfasang Krays béléu.

Isra 6:22

Tikóng deng kken le yó kem yó, bud hitu kdaw le mò du yóm Kehligal le Mken yóm Mambang Laen Dù Bulung Henoken. Ya tey kehligal le abay se deng tenles Dwata kehedem yóm tau hol geta bè Asirya boluyen Sirus, botong tnóbóngen lu bè yóm kehdà le du yóm Gónô Dwata yóm sana kul Dwata yó kem tau Israél.

1 Samwél 23:16

Kewót Junatan bè yó yóm ngà Sol logi, hnebelen Dabid bè Hurés ne tey ketgelen du bè yóm khofinen bè Dwata.

Kehewà 13:18

Mom yó gónón hlan kul bè yóm lan mima elem yóm benwu laen hol wen tauhen hlós ebè Mohin Hulô. Ewenem yó kem tau Israél tey eles kehtigel le bè yó kem hohon le.

Tekang Kbuten 24:14

Yó ilóu du, ke wen sawang libun gónóhu mni minum él kdeng ne monu mò du, Ó Lô, hinumem ou kun él. Ke yó balaen dou, monen, ‘Minumi sen, Sér, ne homong hinumu yó kem kamélem snéen.’ Uka wóyón deng duhen du yóm libun nélékem mò yehen yóm tóbóng lówóhem Isak. Ke lómón ni mò kmoen kedeng, tódô tngónu deng dohò ne yóm fasadem yóm gónóhu mogot.”

Ifisus 3:16

Lemwót bè yóm tey kegbek Dwata tmóbóng tekuy, yó hol hnihu béléen anì tendo ten-gelen nawa ye hlanen bè kun kfasang yóm kun Tulus deng nô bélê ye.

1 Samwél 14:12

Omin le tmaba ebè Junatan ne ebè yóm tau mit klungen, mon le, “Mneged ye edini bélê me anì wen dnalang ye.” Ne yó mon Junatan bè yóm dumuhen, “Géhéli ne loloem o, deng blay Dwata lu elem hólól yó kem tau Israél.”

Kmukum 7:10

Okóm ke likoi mundug kul mosoli etu bè kamfù le, nwitem Pura yóm tau tóbóng lówóhem.

1 Samwél 26:6

Omin Dabid smólók ke Ahimélék yóm tau Hitayt ne Abisay ngà Siruwa, dumun setwoli Juab, monen, “Tau du mung do edlem bè kamfù Sol?” Bnalà Abisay, monen, “Munge kóm.”