Kmukum 6:38 - Udél Dwata: Gna Kesfasad ne Lomi Kesfasad

³⁸ Tahu se, tikóng hayahen bè yó btik Gidyun ne tenngelen yóm bul ubiha, hol kéng duem du yóm deng monen. Kenmesen yóm bul ubiha ya tey amù temdak gu du, botong tô hnok tukung.

Kmukum 6:38 Referans Kwoze

Isaya 35:7

Angat baling lanaw yóm helek tehe alì sidek kkinien. Ne yóm benwu tehe alì mékéng tonoken, angat dê tbul élen. Bè yóm tehe gónón mékéng gónó le nô yó kem ógóf mayal, tódô angat wen sed tmowok bè yó, dalang se yó kem dumu hulu gel tmowok lem hitok.

Kmukum 6:37

moi do ilô. Ni wen bul ubiha suu bè ni ta tonok bè gónó me gel kmusu. Hlafus haya, ke hono amù nim bul ubiha ni ne fen là yóm tonok gónón masà, bè yó ne gónów temngón du deng uu yóm hógów do ni mò lemwà yó kem tau Israél.”

Kmukum 6:39

Yó bud mon Gidyun mò ke Dwata, “Béem lenbut ou, Dwata, sotu duen yóm bud hnihu béléem. Ke yó dum hyu béléem, budi mò do ilô mlan bè nim bul ubiha nii. Hol hékéngem nim bul ubiha nii ne fen héfê amù yóm tonok hilol yóm gónón masà.”