Kmukum 6:37 - Udél Dwata: Gna Kesfasad ne Lomi Kesfasad

³⁷ moi do ilô. Ni wen bul ubiha suu bè ni ta tonok bè gónó me gel kmusu. Hlafus haya, ke hono amù nim bul ubiha ni ne fen là yóm tonok gónón masà, bè yó ne gónów temngón du deng uu yóm hógów do ni mò lemwà yó kem tau Israél.”

Kmukum 6:37 Referans Kwoze

Husiya 14:5

Yó kmou yó kem tau Israél, lómón ke ou yóm amù gotu hnéféen kdéen. Angat le mból lómón bulók. Angat nelem kdolil le lómón kem koyu sidar bè benwu Libanun.

Matyu 15:24

Omin Jisas mudél ebè yóm libun, monen, “Tek són ebè yó kem tau Israél gónó Dwata e hógów dou, yakà mkél le bè yó kem ubiha tabag.”

Kem Lingón 72:6

Ke tilob kwiten kukum yóm tau hol geta, hol lómón ke kulón demsù eta yó kem dnadu, ne lómón ke blanas etalak tonok.

Dwata 32:2

Kehlingónu du nim toloku ni, hol lómón ke kulón gdek ete tonok, ne hol lómón ke amù te tonok. Yóm udélu ebélê ye ni, hol lómón ke blanas eta yó kem hulu ne hol lómón ke blanas eta yó kem bnes.

Kmukum 6:17

Bnalà Gidyun se, monen, “Ke tahu yóm któbóngem do, moi do ilô kun mò gónóhu temngón du ke tahu uu yóm sana kum Dwata yóm mudél ebéléu ni.

Kmukum 6:36

Omin Gidyun mon du mò ke Dwata, “Ke tahu ou se yóm hógówem mò lemwà yó kem tau Israél

Kmukum 6:38

Tahu se, tikóng hayahen bè yó btik Gidyun ne tenngelen yóm bul ubiha, hol kéng duem du yóm deng monen. Kenmesen yóm bul ubiha ya tey amù temdak gu du, botong tô hnok tukung.

Tekang Kbuten 24:14

Yó ilóu du, ke wen sawang libun gónóhu mni minum él kdeng ne monu mò du, Ó Lô, hinumem ou kun él. Ke yó balaen dou, monen, ‘Minumi sen, Sér, ne homong hinumu yó kem kamélem snéen.’ Uka wóyón deng duhen du yóm libun nélékem mò yehen yóm tóbóng lówóhem Isak. Ke lómón ni mò kmoen kedeng, tódô tngónu deng dohò ne yóm fasadem yóm gónóhu mogot.”