Kmukum 6:35 - Udél Dwata: Gna Kesfasad ne Lomi Kesfasad

³⁵ Wen se kem tau hógówen ebè klamang gónó le nô yó kem sfu Manasi, htabahen lu mò mung du. Bud wen se kem tau hógówen ebè yó kem sfu Asér ne sfu Sibulun ne sfu Naftali ne gotu le msut, mung le du.

Kmukum 6:35 Referans Kwoze

Kmukum 4:6

Sotu kdaw hangayen Barak yóm ngà Abinuam menwu bè syudad Kédés bè tonok Naftali. Yó monen mò du, “Ni se udél hwiten ebéléem yóm sana Dwata hol gónó tekuy mogot kem tau Israél, ‘Semtifuni ditu bè Bulul Tabur sfolò libu tau hulung mit sgida lemwót bè ból Naftali ne bè ból Sibulun.

Kmukum 4:10

Bè yóm kkól le bè Kédés, gotu htaba Barak yó kem ból Sibulun ne ból Naftali ne botong sfolò libu kwen kem sendalù mung du. Mung du snéen Dibura.

Kmukum 5:18

Okóm yó kem kul ból Sibulun ne Naftali, deng tódô hamà le klowil le bè gida.

Kmukum 7:3

Heglalagem bè yó kem tauhem ke wen bélê le likò tódô mulék ebè gónóen.” Tahu se, botong lewu folò lewu libuhen tau mulék ne fen sfolò libu tebel.

Kmukum 7:23

Omin Gidyun htaba yó kem ból Naftali ne ból Asér ne yóm lewu bung bè kun ból Manasi, hektesen kul yó kem tau Midyan.