Kmukum 6:34 - Udél Dwata: Gna Kesfasad ne Lomi Kesfasad

³⁴ Okóm ke Gidyun, tódô sut béléen yóm Tulus Dwata ne yó nmoen, mféw mò tabahen yó kem logi lemwót bè ból Abisér mò mung du.

Kmukum 6:34 Referans Kwoze

2 Tutul Israél 24:20

Ominen sut yóm Tulus Dwata bè Sikaraya yóm ngà Jihuyada logi ne yóm tau blóng ebè Dwata. Tódô mdà Sikaraya bè solu yó kem tau, yó udélen, “Ni se udél Dwata. Moen de ke là nimón ye du yóm hlau Dwata kuy? Ke yó se nmò ye, là kóen hyu klowil ye. Lemwót bè yóm deng kekbê ye ke Dwata, deng kenbéen yu se kuy.”

Sulat Pol Ebè Yó Kem Tau Hemtahu Bè Rom 13:14

Yó dé nmò tekuy, hol dnalang tekuy yóm kun kmò yóm gónó tekuy mogot Jisas Krays. Ne bê tekuy abay tódô nmung yó kem sidek knóyô lówó tekuy.

Glasya 3:27

Deng ye hbabtays mò ilô yóm kessotu ye bè Krays, deng glolò ye ne yóm kun kmò Krays.

Kem Lingón 51:11

Béem hdó ou bè soluhem. Béem kó béléu yóm kóm Tulus.

1 Samwél 16:14

Lenwóten bè yó ne, tnagaken Sol yóm Tulus Dwata ne wen tulus sidek hwit Dwata ebéléen mò tendo sembeweg du.

1 Samwél 11:6

Timbow gungol Sol yóm tulón le, tódô sut béléen yóm Tulus Dwata ne ya tey sidek kebuten.

1 Samwél 10:6

Bè yóm uras yó, tódô sut béléem yóm Tulus Dwata ne tey kehfasangen kóm ne wen htugod Dwata kóm ebélê le. Tódô tenlesen yóm kmò ktauhem.

Kmukum 15:14

Timbow kól bè Lihi Samsun, tódô henmung senlong yó kem sendalù Flistin, ya tey kehsag le. Ominen tódô sut bè Samsun yóm Tulus Dwata, tey kehekgisen du. Tódô kem kdà odoy Samsun semdihot du yóm tébéd fét le bè sigelen ne bè henmuen, lómón kegnómen du lómón ke olo balu kdungon deng mlób, tódô gotu hto.

Kmukum 14:19

Ne tódô sut bè Samsun yóm Tulus Dwata tey kehekgisen du. Ominen lemwót mosol etu bè yóm sotu benwu Flistin boluyen Askilun nan e hmatay tlu folò kem logi bè yó ne gotu nwahen nes le ne blayen bè yó kem tau malà yóm ngeden. Kogolen bè yó tódô mulék mneged ebè le maen, ya tey sidek kebuten.

Kmukum 13:25

Ne nbut yóm Tulus Dwata hekgis du bè yóm igoen nô bè Kamfù Dan bè blóng le benwu Sura yóm benwu Istaol.

Kmukum 8:2

Okóm yó balà Gidyun kul, monen, “Yóm dou gendeng ni, tek udì néen ke heskél te bè yóm deng kuy gendeng. Balù yóm là deng kegen ye mung sgida yu kem semfu gu bè Ifraim, bong he kuy gendeng senta yóm kum gendeng mi kem lemwót bè tbong Abisér.

Kmukum 6:11

Sotu kdaw bè yó, wen hógów Dwata gu bè longit sut bè yóm benwu boluyen Ufra, myón laan yóm koyu boluyen ok nfun Juas yóm tau lemwót bè tbong yóm tehe Abisér. Nim Juas ni, wen ngaen logi boluyen Gidyun tolo hebnos kmusu bè yóm gónó le gel kemmes él grép anì là ton le du yó kem tau Midyan yóm kkusuhen.

1 Samwél 13:3

Kogolen bè yó, lemwót Junatan nundugen yóm kamfù yó kem Flistin bè Giba ne gemmò bélê le. Ne gefet bè yó kem dumu Flistin nim ni. Yó gónó Sol mdók tau anì huni le yóm hanga ógóf mò taba sendalù bè klamang Israél anì eles le htifes bè gida.