Kmukum 6:33 - Udél Dwata: Gna Kesfasad ne Lomi Kesfasad

³³ Là legenen bè yó, gotu le stifun yó kem kdéen tau Midyan ne yó kem tau Amélék ne yó kem dumu tau nô bè yóm benwu laen hol wen tauhen fi dmata kdaw Él Jurdan, omin le mifal yóm Él Jurdan na le e kmamfù bè Datal Jisriil.

Kmukum 6:33 Referans Kwoze

Kmukum 6:3

Ket kmò le hulu yó kem tau Israél kulel gel kundug le kul yó kem tau Midyan, mung kul yó kem tau Amélék ne yó kem dumu tau gel nô bè yóm benwu laen hol wen tauhen fi dmata kdaw Él Jurdan.

Kem Lingón 3:1

Ó Dwata, tey dê yó kem hohonu, tey le dê yó kem tau kmutó nawa dou.

Job 1:3

Botong hitu libu ubihahen ne tlu libu kamélen ne lemibu safien ne limu latu kudà asnu libunen. Tey wen kem tau mò nmò béléen. Bè ktahuhen, bè kdê yó kem tau menwu fi dmata kdaw, du se yóm alì wen kendengenen bélê le.

1 Bok Kem Tau Hol Geta 21:1

Wen gónô bong Ahab bè Jisriil, ne moni bè yó yóm gónón gel mulu grép yóm sotu tau boluyen Nabot.

1 Bok Kem Tau Hol Geta 18:45

Là legenen bè yó, deng tódô tfeng lobun hitem longit, ne nbuten se lemnos, ne btang se lebangen ti kulón. Omin Ahab smakay ta klitunen mulék ebè Jisriil.

Kmukum 7:24

Bud wen kem tau hógów Gidyun ebè yó kem bulul lemnek gónó le menwu yó kem tau semfu gu bè Ifraim, yó udél hwiten kul, monen, “Hol ye mosol edini na ye e gnida lu yó kem tau Midyan. Hnékét ye lu bè Él Jurdan ne bè yó kem dumu él mlel etu bè benwu Bitbara anì là gifal le du yó kem tau Midyan.” Tahu se, gotu le stifun yó kem sfu Ifraim, hnékét le yó kem tau Midyan bè Él Jurdan ne bè yó kem langanen mlel etu bè benwu Bitbara.

Juswa 3:16

tódô teflok se lel yóm él yó ne tódô segbusung eta ditu fi leged yóm syudad boluyen Adam yóm syudad klohok Saritan. Bong yó dum lelen e mool ebè Mohin Héét, gotu kti ne gbek le mifal moni bè Jiriku yó kem tau Israél.

Tekang Kbuten 29:1

Ngang Jakub mógów efet kól bè yóm benwu fi dmata kdaw.

1 Bok Kem Tau Hol Geta 4:30

Yóm khulung Selumun hedem, hol mkay senta yóm kdê tau temngón fi dmata kdaw ne kem tau temngón bè Idyip.

Husiya 1:5

Bè yóm kdaw ktafaku kul yó, angat tenfoku boho yó kem tau Israél ditu bè Datal Jisriil anì là gemmò le ne laen dù bud kgis le gmida hulin kdaw.”

Kmukum 7:1

Hol hlafus bè yó, tódô temkifu btik Gidyun ne kdê yó kem tauhen na le e kmamfù klohok Sfut Harod. Lemwót kul yó kem tau Midyan fen le kmamfù fi debwak le bè yóm gónón wen datalen bè Bulul Udì Muri.

Kmukum 7:8

Tahu se, gotu hulék Gidyun lu yó kem dumu tau Israél, bede eles nwahen yó kem bnotu le ne kem féw le ne tek tlu latu tau yóm dù tebel béléen. Yóm kul gónó kmamfù yó kem tau Midyan nô sendlem le bè yóm gónón datal.