Kmukum 6:30 - Udél Dwata: Gna Kesfasad ne Lomi Kesfasad

³⁰ Ne yó mon le mò ke Juas, “Hewaem ebélê me dini yóm ngaem ne me e hnatay. Deng genbaen yóm gónô demsù ebè Baal ne deng nofoken yóm hehek Asira yóm dwata libun.”

Kmukum 6:30 Referans Kwoze

Flipay 3:6

Lemwót bè yóm alì kkinì nawahu lemolò du, botong gotu genlau yó kem tau hemtahu bè Jisas. Ke yó gónón baling tedeng yóm tau lanen lemolò du yó kem hlau, kaem laen dù gónó le gemsanil dou.

Kul Nmò 26:9

Tehe yu ekni,” mon Pol, “tey kekbéu du se dou yó kem tau hemtahu bè Jisas, yóm tau tehe lemwót bè Nasarit.

Kun Snulat Jan 16:2

Angat là bud hmung le kuy bè yó kem gónó ye gel stifun. Angat wen kdaw le hmatay kuy yó kem tau. Ofo kul mò du yóm yó, ke yó yóm hyu bè Dwata.

Jirimaya 26:11

Lemwót yó kem tau gel blóng le ebè Dwata dalang se yó kem tugod Dwata, gotu tulón le bè yó kem genlal ne bè yó kem dumu tau nô bè yó yóm delem le ke Jirimaya, mon le, “Tódô hnatay kmò du nim tau ni, abay se són tulónen yóm sidek gbak bè yóm syudad tekuy. Deng gungol ye se kuy yóm monen yó.”

Kmukum 6:29

Gotu le sesólók yóm kdê le, mon le, “Tau du se mò du nim ni?” Tey kehtukul le du ne tngón le Gidyun mò du yóm yó yóm ngà Juas logi.

Kmukum 6:31

Okóm mom yó udél Juas ebè yó kem tau mógów ebéléen, monen, “Nfi ye Baal kô kuy? Nofin ye kô? Ke wen tau mofin du, là kóen gefet haya yóm tau yó. Ke tahu dwata se nim Baal ni, kaem nofinen kun knô. Igoen kun gónô demsù yóm deng genbà le.”