Kmukum 6:26 - Udél Dwata: Gna Kesfasad ne Lomi Kesfasad

²⁶ Tles hdaem bè yó ta yóm bulul udì yóm gónô demsù ebè Dwata, yóm sana kóm Dwata hol gónó mogot. Hninggelem semsodò kul yó kem botuhen. Ominem demsù du tahen yóm safì tudu deng nwahem, hkekebem. Snukem du yóm hehek Asira deng nofokem.”

Kmukum 6:26 Referans Kwoze

1 Kurin 14:40

Bede bè yóm kdê nmò ye bè yóm gel ksimba ye, hentilob ye mò du anì gdilô yóm kessadat ye.

1 Kurin 14:33

Abay se là kô nóyô Dwata du yóm mudél seblang sok tekuy stifun. Hyu ke na tekuy gel stufì sok kuy mudél anì menek kegnóm tekuy du. Wen sotu gel hlolò me bè yó kem tau hemtahu bè Dwata bè yó kem dumu benwu gbak ebè yó kem libun.

2 Samwél 24:18

Bè yóm kdaw yó, mógów ebè Dabid Gad, yóm tugod Dwata, ne monen mò du, “Lemwóti ne, hemdai gónó demsù ebè Dwata bè yóm gónón gel kmusu Arauna yóm tau Jibusayt.”

Kehewà 34:13

Yó dé nmò ye, gotu genbà ye yó kem gónó le gel demsù ebè yóm kul dwata. Hnugón ye yó kem hehek botu tahà gónó le gel tmaba ebélê le ne nofok ye yó kem dwata lennged le.

Kmukum 6:25

Bè yóm kifu yó, yó bud mon Dwata mò ke Gidyun, “Nwahem yóm gewu safì tudu maem deng hitu halayen. Genbaem yóm gónó maem gel demsù ebè Baal ne nofokem yóm hehek ilô yóm dwata libun boluyen Asira mdà klohoken.

Kmukum 6:27

Tahu se, lemwót Gidyun, nwiten yóm sfolò kem tau tóbóng lówóhen nmoen yóm dók Dwata du. Okóm yóm kmoen du, nmoen kifu abay se tey sidek klikoen yó kem fes lówóhen ne yó kem dumu tau bè benwuhen.

1 Samwél 6:14

Lemwót yó kem safì mit klitun, tódô le hlós ebè uma yóm sotu tau boluyen Juswa bè yó bè Bit-sémés ne tódô le htengen mdà klohok yóm tey botu bong nô bè yó. Yó nmò yó kem tau bè yó, nsô le yóm klitun ne dsù le ebè Dwata yóm lewu kem safì mò dsù hkekeb le ebéléen.

2 Samwél 24:22

Omin Arauna mon du mò ke Dabid, “Tódô nwahem nô kihu nóyóem, Sér, mò dsuem. Ni wen kem safì mò dsù hkekebem ebè Dwata, ne nwahem se yó kem yok le ne yó kem koyu kusu halay mò snukem yóm dsuem.