Kmukum 6:23 - Udél Dwata: Gna Kesfasad ne Lomi Kesfasad

²³ Okóm yó mon Dwata mò du, “Béi abay hlikò, henekem nawahem, là kói matay he.”

Kmukum 6:23 Referans Kwoze

Danyél 10:19

Yó bud monen mò do, “Béi abay hlikò, Danyél, yakà tey kbong nawahen kóm Dwata. Dwata he henek nawahem, hekgisi ne hgelem nawam.” Tahu se, yóm igoen mudél ebéléu yó, bud mulék kgisu ne monu mò du, “Yó ne Sér, henlósem yóm tulónem do, yakà deng hekgisem o.”

Kun Snulat Jan 20:26

Tikóng deng gefet sotu fedyanen bè yó, gotu le bud stifun yó kem gel lemolò du, nô bélê le Tumas. Deng bud hen-get le bak tikeb le. Tódô bud hetnga sut lem blóng le Jisas, monen mò kul, “Dwata he hol henek nawa ye.”

Tekang Kbuten 43:23

Yó monen mò kul yóm tau snalig Jusif, “Béen tafa nawa ye. Bê ye abay hlikò. Kaem kuy Dwata yóm Dwata mà ye bud dô hemsù du lem sakù ye yóm filak yó. Igoen deng kól béléu yóm filak tehe bli ye.” Kogolen bè yó, ominen mit ke Simyun ebélê le.

Kun Snulat Jan 20:19

Timbow deng legen kifu bè yóm Akad yó, gotu le stifun yó kem gel lemolò ke Jisas. Ne gotu hen-get le bak tikeb le, abay se likò le yó kem Ju wen glal le. Okóm tódô hetnga mdà lem blóng le Jisas, monen mò kul, “Dwata he hol henek nawa ye.”

Kun Snulat Jan 14:27

Wen kenek nawa tebelu bélê ye. Hol lómón yóm dou kenek nawa nim tebelu bélê ye ni. Là kóen mkél bè yóm kul kenek nawa yó kem tau là hemtahuhen. Hol bê ye hesbeweg kehedem ye, ne bê ye se abay hlikò.

Kem Lingón 85:8

Tey khungolu du ke tedu yóm udél Dwata yóm Dwata hol gónó me mogot, abay se fasaden tekuy kem kun tau yóm kenek nawa, syan ke là bud tekuy semfulék ebè yó kem sidek tehe nmò tekuy.

Tekang Kbuten 32:30

Yó udél Jakub, monen, “Denge tódô suyó ke Dwata dou, hol là bangen du ke là mataye.” Ne yó boluyen du yóm benwu yó, Pinyél.

Sulat Pol Ebè Yó Kem Tau Hemtahu Bè Rom 1:7

Ne duhen yó, smulate ebélê ye, yu kem kun kenbong nawa Dwata bè Rom. Deng tnabahen yu mò hol kun tau. Yó hem Dwata, yóm Mà tekuy, ne Jisas Krays yóm gónó tekuy mogot, hol tendo tmóbóng kuy ne tendo henek nawa ye.

Kmukum 6:22

Yó he ketngón Gidyun du hógów Dwata gu bè longit yóm tonen, ya tey sidek klikoen. Yó udélen, monen, “Ó Dwata yóm hol dandónen geta, deng tonu yóm hógówem gu bè longit, deng me tódô suyó.”

Kmukum 6:24

Omin Gidyun semsodò botu bè yó mò gónóhen demsù ebè Dwata ne yó boluyen du, “Lemwót bè Dwata yóm kenek nawa.” Efet ni kmoen ni sana knóen bè yó bè Ufra yóm gónô demsù yó, nfun yó kem kun ból Abisér.

Tekang Kbuten 32:31

Deng sut mata kdaw ne yóm kewót Jakub bè yó bè Pinyél, bede deng mom tugô lemwót bè yóm deng kesléhé lem hunuken.