Kmukum 6:17 - Udél Dwata: Gna Kesfasad ne Lomi Kesfasad

¹⁷ Bnalà Gidyun se, monen, “Ke tahu yóm któbóngem do, moi do ilô kun mò gónóhu temngón du ke tahu uu yóm sana kum Dwata yóm mudél ebéléu ni.

Kmukum 6:17 Referans Kwoze

Isaya 7:11

“Mnihi sotu ilô bè yóm Dwata hol gónóhem mogot. Yóm ilô hnihem kihu ke lemwót gu tlaan bè kul benwu yó kem tau deng matay, duhen ke lemwót gu tta bè longit.”

Kem Lingón 86:17

Hegfanem dou kun ilóen yóm kehyu nawahem ebéléu, anì ton yó kem tau kmutó nawa dou, ne angat le bud mulék myak. Abay se uu, Dwata, yóm gel tmóbóng dou ne gel hemyu nawahu.

Kehewà 33:13

Ke hyu se nawam ebéléu tulónem dou sen yóm atulem anì hol temnù yóm ketngónu kóm ne henlósu mò du yóm gónón hyu nawam ebéléu. Béem klifót snéen, deng nélékem ni kem tau ni mò hol kóm.”

Kehewà 33:16

Tô kmò ketngón kem tau du se yóm tey kehyu nawam ebè yó kem tauhem ne ebéléu ke là mungi kum? Lemwót bè yóm kmungem kum gónó me stólóng bè kdéen tau te tonok.”

Kmukum 6:18

Hol béi tagad mulék nahem nangat ou, wen blayu kóm.” Mon Dwata se, “Yó sen, nahu na nangat uu.”

1 Bok Kem Tau Hol Geta 13:3

Bè yóm kdaw yó wen ilô nmò yóm tau Dwata mò gónó le hemtahu du yóm tulónen, monen, “Wen ilô deng fasad Dwata, duhen yóm tódô kesdoli gónón sóól nim gónó demsù ni, ne gotu mkok ete tonok yó kem kohuen.”