Kmukum 6:11 - Udél Dwata: Gna Kesfasad ne Lomi Kesfasad

¹¹ Sotu kdaw bè yó, wen hógów Dwata gu bè longit sut bè yóm benwu boluyen Ufra, myón laan yóm koyu boluyen ok nfun Juas yóm tau lemwót bè tbong yóm tehe Abisér. Nim Juas ni, wen ngaen logi boluyen Gidyun tolo hebnos kmusu bè yóm gónó le gel kemmes él grép anì là ton le du yó kem tau Midyan yóm kkusuhen.

Kmukum 6:11 Referans Kwoze

Hibru 11:32

Dô nan són ni he yóm tulónu kuy. Là getngónu tmulón du kuy yó kem dumu tau hemtahu bè Dwata ekni. Lómón le tehe Gidyun ne Barak ne Samsun ne Jifta ne Dabid ne Samwél kkólen bè yó kem tehe tugod Dwata ekni.

Kmukum 13:3

Sotu kdaw wen hógów Dwata gu bè longit sut bè yóm libun yó ne monen mò du, “Balù yóm katilem, okóm angati mlutut ne mngai logi.

Kmukum 8:2

Okóm yó balà Gidyun kul, monen, “Yóm dou gendeng ni, tek udì néen ke heskél te bè yóm deng kuy gendeng. Balù yóm là deng kegen ye mung sgida yu kem semfu gu bè Ifraim, bong he kuy gendeng senta yóm kum gendeng mi kem lemwót bè tbong Abisér.

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Tekang Kbuten 48:16

Yó hem hógów Dwata tehe gel lemwà dou bè yó kem gónón mgel hol tmóbóng kul. Hol mlan bè ni kem ngà ni gónóhen là lana yóm dou boluy ne boluy yóm téméu Abraham ne mau Isak. Dwata he hol hwen yó kem ngà le ne yó kem angat ból le.”

Tekang Kbuten 16:7

Bè yóm klóy Hagar yó, wen hógów Dwata gu bè longit semlong du bè yóm tbul él bè yóm benwu là hyu menwu du bè yóm lan mógów ebè Sur.

Kmukum 5:23

Yó udél yóm hógów Dwata gu bè longit, monen, “Hol tnafak Dwata lu yó kem tau bè Miros, hol le megtafak yóm kdê le. Là kô le dog mógów ke tnóbóng le Dwata. Là dog gnida le kul yó kem sendalù Sisira deng alì layam bè gida.

Kmukum 6:12

Bè yó bè gónón kmusu gónón hegfan béléen yóm hógów Dwata yó koni ne tódô monen mò du, “Ó tau lóbô hulung gmida, tendo nô béléem Dwata.”

Kmukum 13:6

Ominen lemwót yóm libun yó nan e tnulón tuha logihen, monen, “Wen tau Dwata gu béléu, hol lómón kmoen lómón ke hógów Dwata gu bè longit, ya tey sidek klikou. Là kóe mlos smólók du gónón gu lemwót, ne là se tulónen du dou boluyen.

Kmukum 9:5

Kewót Abimélék bè yó, niten yó kem tau yó ebè gónô maen bè Ufra ne bè yó ta yóm sotu botu bong gónó le hmatay yóm hitu folò kem dumun setwoli, hono kem ngà Gidyun logi. Okóm wen sotu ngà Gidyun són twoli boluyen Jutam fen hebnos ne là ghatay Abimélék du.

1 Bok Kem Tau Hol Geta 19:19

Tahu se, lemwót Ilaydya, ominen mton ke Ilaysa yóm ngà Safat tolo hdaduhen yó kem safien. Wen sfolò sotu tau dmadu tukô gna du, bede ket lewu safì bè sotu dadu, ne fen nogot Ilaysa yóm sotu dadu huli. Omin Ilaydya mlus yóm nesen lafin ta, boten eta abal Ilaysa.