Kmukum 5:7 - Udél Dwata: Gna Kesfasad ne Lomi Kesfasad

⁷ Yó kem benwu yó kem tau Israél deng tódô gbayà, laen dù tauhen. Laen dù tauhen efet kól Dibura, hol lómón ke kól yê yó kem tau Israél.

Kmukum 5:7 Referans Kwoze

Isaya 49:23

Yó kmò yó kem tau hol geta mogot bè yó kem benwu yó, lómón ke hol ngà le yu. Ne yó kem libun boi yehen le, lómó kmò le ebélê ye lómón ke hol kuy yê. Tey keheglaan le ebélê ye ne tey kadat le kuy. Angat wen lan le hegfan du ebélê ye yóm kadat le kuy. Bè yóm kmò le ebélê ye yó, bè yó gónó ye temngón du ou se yóm Dwata gónó ye mogot. Laen dù tau sidek nawan ke nangaten yóm któbóngu du.

2 Samwél 20:19

Ou se sotu mit kenek kbenwu bè Israél, ne tenebe bè ni. Mom tô genbaem yóm hol yê yó kem syudad bè Israél. Moen ke genbaem yóm nfun Dwata?”

Sulat Pol Ebè Yó Kem Tau Hemtahu Bè Rom 16:13

Hol hgefet ye do bè le Rufus ne yéen yóm gel kehedemu kul. Tey hyu kloloen yóm gónó tekuy mogot yóm Rufus. Ne yóm yéen, tey tilob kmoen ebéléu, hol lómón ke ou yóm hol ngaen.

Istér 9:19

Okóm yó kem Ju menwu bè yó kem benwu lemnek bè prubinsya, hlós gel hnigal le yóm gesfoloen fat kdaw bè yóm bulón Adar. Gel le mò ken ne gel le seblay.

Kmukum 5:6

Bè yóm tehe kun kdaw Samgar, yóm ngà Anat logi ne bè yóm kun kdaw Jail, laen dù bud tau tonem mlan bè yóm lan bong, gotu le mlan bè yó kem lan hilol.

Kmukum 5:8

Bè yóm deng kélék le lomi dwata lennged yó kem tau Israél, yó gónón wen gida sut lem benwu le. Balù sotu klung duhen ke sotu buyus ke tô wen tonem bè yóm fat folò libu kem sendalù Israél.