Kmukum 5:6 - Udél Dwata: Gna Kesfasad ne Lomi Kesfasad

⁶ Bè yóm tehe kun kdaw Samgar, yóm ngà Anat logi ne bè yóm kun kdaw Jail, laen dù bud tau tonem mlan bè yóm lan bong, gotu le mlan bè yó kem lan hilol.

Kmukum 5:6 Referans Kwoze

Isaya 33:8

Ne laen dù bud gemlan bè yó kem lan bong abay se eles bnentey yó kem hohon me. Yó kem deng tehe senkotuk le bè dumu benwu là kóen dohò. Laen dù bud kessadat nô bélê le.

Mika 3:12

Duhen yó, lemwót bélê ye angat gónó le dmadu du yóm Bulul Sayun, hol lómón kmò le du ke tonok gónó mò hulu. Ne yóm Jirusalim, sulék genbà le. Ne yóm bulul gónón mdà yóm Gónô Dwata, tódô baling bulul hono dlag.

Kem Lingón 125:5

Okóm ke tnafakem yó kem tau gel mò sidek, homong tnafakem snéen yó kem tau kmogol du yóm kóm lan. Dwata he hol henek nawa yó kem tau Israél.

2 Tutul Israél 15:5

Bè yó kem kdaw yó, là hyuhen bè kem tau ke mógów le, abay se tey sbeweg lem benwu le.

Kmukum 5:7

Yó kem benwu yó kem tau Israél deng tódô gbayà, laen dù tauhen. Laen dù tauhen efet kól Dibura, hol lómón ke kól yê yó kem tau Israél.

Jirimaya 6:25

Hol bê tekuy abay mógów ebè yó kem tonok gónó tekuy mò hulu. Dalang se ebè yó kem lan, bê tekuy abay mlan edu, abay se deng le eles nô bè klamangen yó kem hohon tekuy. Deng le eles htigel hmatay kut. Balù kihu gónó tekuy nô, sana tendo sidek klikò tekuy.”