Kmukum 5:31 - Udél Dwata: Gna Kesfasad ne Lomi Kesfasad

³¹ Ó Dwata, yake gotu le matay yó kem hohonem lómón yóm kun katay Sisira. Okóm yóm kul klowil yó kem tau kembong nawa kóm, hol lómón kehyuhen lómón ke btù mata kdaw.” Kogolen bè yó, botong fat folò halayen kegenen menek kbenwu yó kem tau Israél.

Kmukum 5:31 Referans Kwoze

Kem Lingón 37:6

Ke tedeng yóm gel nmoem, hegfan Dwata bè kdéen tau. Hol lómón kehegfanen du, lómón ke nóng kdaw deng gtungó.

2 Samwél 23:4

hol lómón ke du yóm layag bè kinalen mwas, lómón ke du yóm mata kdaw gel btù hlafus laen dù lobun hemseng du, Heslinangen yó kem bnes deng héfê bè kulón.’

1 Pitér 1:8

Balù yóm là deng kton ye ke Jisas he, deng sana eles bong ne yóm nawa ye du. Balù là ton ye du ni kmoen ni, ewenem deng ye sana hemtahu béléen. Ne lemwót bè yóm kehtahu ye, laen selen yóm tey kligal ye, yóm kligal là gbek ye hmingón du.

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

1 Kurin 8:3

Okóm ke bong nawahen ke Dwata yóm tau, yó se yóm tau hol dilô Dwata.

Danyél 12:3

Yó kem tau hulung hedem, kem tau nit le kem dumu le ebè yóm lan tedeng, angat tey keslinang le hol lómón yó kem blotik bè longit ne laen dù sónen yóm keslinang le yó.

Kem Lingón 91:14

Yó udél Dwata, monen, “Gel lenwau yó kem tau kembong nawa dou, ne gel nofinu yó kem tau mogot béléu.

Kem Lingón 89:36

Yó tehe fasadu du, tendo gel wen semfu gu béléen, ne tendo bnenteyu yóm kogot le benwu bè yóm igoen tolo wen kdaw.

Sulat Jim 2:5

Ni hol hnungol ye, kem dumuhu sogot nawa. Mom monem yó ne kem tau élél lem nim benwu ni yóm nélék Dwata mò baling mdengen bè kehtahu le, ne gmung le bè yó kem tau nogoten, yakà yó du yóm deng tehe fasaden bè yó kem tau kembong nawa du.

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

Matyu 13:43

Okóm kul yó du kem kun tau Dwata, hol lómó angat keslinang le mata kdaw ke sok le deng kól ditu bè yóm benwu nogot Mà le bè longit. Yóm tau wen klinguhen, hol hmungol.”

Husiya 6:3

Tey hyu dé ke hol tngón tekuy Dwata. Henlel tekuy hloni ebéléen anì hol tngón tekuy. Ke yó nmò tekuy, angat dohò yóm kehegfanen bélê tekuy lómón kdohò kebtù mata kdaw ke hlafus ne lómón kdohò yóm kulón bè bulón mò hulu.”

Kem Udél Hlalak Tehe Selumun 4:18

Yóm kun kmò kógów klowil yóm tau tedeng kmoen lómón ke layag kdaw, són moen minut mtataw efet talak kemdaw.

Kem Lingón 97:10

Tey kbong nawa Dwata kul yó kem tau kembê du yóm sidek. Sal gel bnenteyen yó kem tau teneb béléen. Lenwaen lu lem hólól yó kem tau mò sidek.

Kem Lingón 97:8

Deng gungol yó kem tau bè Sayun yóm kkukumem, dalang se yó kem tau bè kdê syudad bè Juda, ya tey kligal le bè yóm kungol le du.

Kem Lingón 92:9

Kdê yó kem hohonem, Dwata, angat le gotu matay. Angat gotu senklahem lu kdê yó kem tau gel mò sidek.

Dwata 6:5

Hol hewót ye bè nawa ye yóm kbong nawa ye ke Dwata, hotu ye nawa ye ebéléen ne hotu ye gel ye mimón du.Hol bê ye abay klifót yó kem hlau Dwata deng tulónu kuy kemdaw ni.

Kehewà 20:6

Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Deng Hegfan 18:20

Okóm kuy du, yóm kdê ye gel nô bè longit, hol ye hligal lemwót bè yóm deng keglaen. Hligal ye ne, yu kem tau Dwata, ne yu kem tehe gel hógów Jisas, ne yu kem tehe gel tugod Dwata, abay se deng tnafak Dwata ne lemwót bè yóm tehe sidek nmoen bélê ye.

Deng Hegfan 6:10

Hgel le udél le, mon le, “Ó Dwata, yóm gónó me mogot, laen kô dù là gbekem du. Uu se yóm laen dù belenen ne laen kô dù kéngen. Kegenen de duen yóm kkukumem yó kem tau te tonok ne yóm ktafakem kul bè yóm tehe kbonok le kum?”

Ifisus 6:24

Dwata he hol tmóbóng yóm kdéen tau là monol nawa le ebè yóm gónó tekuy mogot Jisas Krays.

Deng Hegfan 1:16

Ne wen hitu blotik nogoten bè sigel kwananen. Ne wen hesut gu lem baken lómón ke sudeng. Ne lem uyóhen, hol lómón knóngen mata kdaw deng gtungó.

2 Samwél 18:31

Ominen gdek se kun yóm tau Kusayt, ne yó tulónen, monen, “Wen hyu tulónu kóm, Sér. Kemdaw ni, deng hewà Dwata uu lem hólól yóm kdéen tau hmohon kóm.”

Kem Lingón 89:37

Là kóen na a mili yóm kogot le benwu, lómón yóm là kili yóm bulón nô bè longit.”

Dwata 7:9

Yó gónóm mon, hol sù ye lem hendem ye nim ni. Yóm sana kuy Dwata hol gónó mogot, tek sónen du Dwata ne là kóen monol nawahen. Là kô klifóten du yóm tehe senfasad ye ditu bè Bulul Sinay ne gel hegfanen bè yó kem tau kembong nawa du ne mimón yó kem kun hlau yóm kbong nawahen kul efet kól bè hilu libu bud lugod le.

2 Samwél 18:32

Yó udél yóm tau hol geta ebè yóm tau Kusayt yó, monen, “Laen dù hemen ngau Absalum kô?” Bnalà yóm tau Kusayt, monen, “Yake yó hol bud gfà yó kem hohonem ne kdê yó kem tau matù kóm yóm kun gfà yóm ngà yó.”

Kem Lingón 19:6

Yóm kógówen, lenwóten fi dmata kdaw kól desdef. Laen kô gónón glilung yóm kkinien.

Kem Lingón 20:8

Yó kem tau yó koni, angat le mom tlokob du ne masà du yóm tô snalig le. Okóm kum, là kô me na a masà, mbegel kdà me.

Kem Lingón 92:10

Okóm deng tey kehekgisem dou, lómón kgis yóm safì tudu tabag. Ne tey kehyu kegnómu du lemwót bè yóm nmoem béléu.