Kmukum 5:20 - Udél Dwata: Gna Kesfasad ne Lomi Kesfasad

²⁰ Yó kem blotik bè longit, gbót le gmida se kul. Bè yóm igò le lemolò lesang le, gnida le Sisira.

Kmukum 5:20 Referans Kwoze

Juswa 10:11

Bè yóm igò le mlóy mosol yó kem tau Amurayt, yó nmò Dwata hetbóhen eta le yóm tey bulók kulón. Ngangen hetbó du eta le efet le kól ditu bè benwu Asika. Tey dê bélê le matay bè bulók kulón senta yóm kul hnatay yó kem tau Israél.

1 Samwél 7:10

Yóm igò Samwél hkekeb demsù ebè Dwata, mundug se yó kem sendalù Flistin nundug le yó kem tau Israél. Okóm yó nmò Dwata hgelen udélen ebélê le hlanen bè yóm tey leték ne ya tey sidek keslaf yó kem Flistin ne gemmò yó kem tau Israél.

Kmukum 4:15

Tikóng le mundug le Barak, ya tey kehlangaf Dwata ke Sisira dalang se yó kem sendalù mit klitunen ne yó kem dumu sendaluen. Tódô kmó ta klitunen Sisira ne lemwót mlóy.

Juswa 10:12

Bè yóm kdaw kehegmò Dwata yó kem tau Israél bè yó kem tau Amurayt, tódô mdà bè solu yóm kdéen tau Israél Juswa, yó udélen ebè Dwata, monen, “Ó kdaw, nahi htengen ta Gibyun, Ó bulón, hetnui ta Datal Adyalon.”

Kmukum 5:21

Yóm Él Kisun, tódô dmunuk ne gotu le konul le Sisira. Konul le bè yóm tey kdunuk Él Kisun. Okóm dou, tódóe hekteng ne hfólu nawahu.

Juswa 10:10

Ya tey kehlangaf Dwata kul yó kem tau Amurayt bè yóm kton le yó kem sendalù Israél. Tey dê bélê le hnatay yó kem sendalù Israél bè yó bè syudad Gibyun ne ktes le mosol yó kem dumu lenwót le bè bulul Bét Horon efet kól etu bè benwu Asika ne etu bè benwu Makida ne tey dê bélê le hnatay le gu bè lan.

2 Samwél 18:8

Ya tey klamang yóm gónó le sfatay bè yóm benwu yó. Tey dê he tau tódô matay gu lem dlag senta yó kem tau matay bè sudeng.