Kmukum 5:14 - Udél Dwata: Gna Kesfasad ne Lomi Kesfasad

¹⁴ Mosol le ebè datal yó kem ból Ifraim, tukô gna kul yó kem ból Bindyamin. Yó kem kmandér le, lemwót le bè ból Makir ne wen se dumu genlal lemwót bè ból Sibulun.

Kmukum 5:14 Referans Kwoze

Kmukum 4:14

Yó udél Dibura ebè Barak, monen, “Lemwóti ne. Deng eles tukô gna kóm yóm sana Dwata hol gónó tekuy mogot. Kemdaw ni hegmoen uu bè Sisira.” Tahu se, mosol gu ta Bulul Tabur Barak ebè yóm gónó le sfatay, mung du yóm sfolò libu kem sendaluen.

Kmukum 4:10

Bè yóm kkól le bè Kédés, gotu htaba Barak yó kem ból Sibulun ne ból Naftali ne botong sfolò libu kwen kem sendalù mung du. Mung du snéen Dibura.

Kmukum 5:13

Lemwót yó kem dù tau Israél tebel, gotu le mosol ebè yó kem tau malak kul. Gotu le sut yó kem tau Dwata, mit le sgida bè yó kem tey sendalù deng hónô layam bè gida.

Kem Lingón 68:27

Ngem, tukô gna yó kem sfu Bindyamin, là hol le wen. Tmodol yó kem tey tmuha fen malak lemwót bè ból Juda, ne bè ból Sibulun, ne bè ból Naftali.

Husiya 5:8

Hgel ye mféw bè benwu Gibya abay se wen gida sut. Bud senged se bè Rama ne bè Bét-abén. Hol tenngel ye tekwang ye, kem sendalù lemwót bè ból Bindyamin.

Tekang Kbuten 35:22

Bè yóm knô le Jakub bè yó bè Idér, lemwót Rubén sentungóen bè yóm sotu libun nmu maen boluyen Bilha. Ya tey sidek kbut Jakub bè yóm kungolen du. Yóm Jakub, wen sfolò lewu ngaen logi.

Tekang Kbuten 35:23

Yó ngaen bè Liya, duhen Rubén, du se hol ngà Jakub twogu, ominen tmodol Simyun ne Libay ne Juda ne Isakar ne Sibulun.

Tekang Kbuten 35:24

Yó ngaen bè Rakél, duhen Jusif ne Bindyamin.