Kmukum 5:1 - Udél Dwata: Gna Kesfasad ne Lomi Kesfasad

¹ Bè yóm kdaw yó, lemwót le Dibura lewu le Barak yóm ngà Abinuam, lemingón le. Yó lingón le,

Kmukum 5:1 Referans Kwoze

Kehewà 15:1

Omin le lemingón ebè yóm sana kul Dwata hol gónó mogot le Musis ne yó kem tau Israél. Yó lingón le, “Lemingóne ebè Dwata lemwót bè yóm tey deng kegmoen bè yó kem hohon tekuy. Tudaen elem mohin yó kem kudà le mung du yó kem tau smakay kul.

Kem Lingón 18:1

Ó Dwata, tey kbong nawaw kóm. Uu yóm gel hekgis dou.

Kun Snulat Luk 1:46

Yó mon Midi se kun, “Tey bong kdóyónu du yóm gónóhu mogot

Isaya 26:1

Angat kól yóm kdaw klingón le du yó kem tau nô bè Juda yóm lingón ni, yóm monen, Tey mbegel yóm syudad tekuy, Dwata se kemlung du mò henged beng hilolen.

Isaya 25:1

Ó Dwata, uu se yóm dou gónó mogot. Tey kadatu kóm ne tey kdóyónu kóm. Tey hentaw ton yó kem deng nmoem. Gotu dnohoem yó kem deng tehe natulem là sekna.

Job 38:7

Bè yóm tehe kmou du yó kem yó, gotu le segeng semngal yó kem blotik ne gotu le hligal mensag yóm kdê hógówu nô bè longit.

2 Tutul Israél 20:27

Omin le semfulék ebè Jirusalim yó kem sendalù Juda, tukô gna kul Jihusafat, mung du yóm tey kehligal le bè yóm kehegmò Dwata kul bè yó kem hohon le.

2 Tutul Israél 20:21

Tikóng deng kestulón Jihusafat bè yó kem tau gel malak, ominen wen kem tau hulung semngal néléken mò semngal dmóyón ke Dwata tukô gna yó kem sendalù, bede heseken kul yóm nes gel lesek le ke wen bantang hnigal le. Ni se sngal le, “Hol tekuy slamat ebè Dwata, Yóm kbong nawan tekuy là kóen na a monol ne laen kô dù nan e són.”

1 Samwél 2:1

Omin Hana mni bè Dwata, monen, “Tey kehefligalen do Dwata. Ya tey któbóngen dou. Laen dù bud gónóhu myak ne bè yó kem hohonu, tey kligalu ne ni lemwót bè yóm tey któbóng Dwata do.

Kehewà 15:21

Omin Miryam lemingón bélê le, yó lingónen, “Lemingón tekuy ebè Dwata lemwót bè yóm tey deng kegmoen bè yó kem hohon tekuy. Tudaen elem él yó kem kudà le, mung du yó kem tau smakay kul.”

Kmukum 4:24

Lenwóten bè yóm kdaw yó, sónmoen temnù gel yó kem tau Israél senta Jabin, ngangen efet ghatay le.

Kem Lingón 32:7

Són uu yóm gónóhu e hles. Són uu se yóm lemwà dou ke wen mgel sut bè klowilu. Gungolu hmilol dou yó kem mensag lemwót bè yóm deng kegmoem, abay se uu yóm gel mofin dou.

Kmukum 4:4

Wen sotu libun tugod Dwata boluyen Dibura yehen Lapidot. Bè yóm kdaw yó, du sotu gel kmukum bè yó kem tau Israél.

2 Samwél 22:1

Kogol yóm kehewà Dwata ke Dabid lem hólól yóm kdê hohonen ne lem hólól Sol,