Kmukum 4:7 - Udél Dwata: Gna Kesfasad ne Lomi Kesfasad

⁷ Lemwót dou,’ mon Dwata, ‘nwitu Sisira, yóm kmandér bè yó kem sendalù Jabin mò mit kuy sgida bè yó bè Él Kisun. Gotu nwiten yóm kdê klitun tóken ne yóm kdê sendaluen, okóm hegmou yu béléen.’ Ni se yóm udél hwit Dwata ebéléem.”

Kmukum 4:7 Referans Kwoze

1 Bok Kem Tau Hol Geta 18:40

Omin Ilaydya mdók yó kem tau, monen, “Kenfô ye lu yó kem tugod Baal. Hol béen wen sotu bélê le fen mlóy.” Tahu se, gotu kenfô le lu, ne nwit Ilaydya lu mosol ebè Él Kison, ne bè yó gónóhen hmatay kul.

Kmukum 5:21

Yóm Él Kisun, tódô dmunuk ne gotu le konul le Sisira. Konul le bè yóm tey kdunuk Él Kisun. Okóm dou, tódóe hekteng ne hfólu nawahu.

1 Samwél 24:18

Deng htonem do kemdaw ni yóm tey kehyuhem, là kô hnatayem dou igò Dwata deng hemsù dou lem tdokem.

1 Samwél 24:10

Tódô kóm mata se mton du kemdaw ni yóm là ktahuhen. Deng blay Dwata uu elem hólólu ditu lem kilib. Ne wen kem tauhu mon du mò dou, hnatayem ne. Okóm là. Mom lenwau u. Yó monu mò kul, ‘Là glefu hemsidek du yóm tau deng kun nélék Dwata.’

Kmukum 4:14

Yó udél Dibura ebè Barak, monen, “Lemwóti ne. Deng eles tukô gna kóm yóm sana Dwata hol gónó tekuy mogot. Kemdaw ni hegmoen uu bè Sisira.” Tahu se, mosol gu ta Bulul Tabur Barak ebè yóm gónó le sfatay, mung du yóm sfolò libu kem sendaluen.

Juswa 10:8

Bè yóm kewót le, yó mon Dwata mò ke Juswa, “Hol béi abay hlikò bélê le. Deng blayu lu elem hólólem. Bà sotu bélê le ke gembek kóm.”

Juswa 8:7

Omin ye yó kento hewà gu bè yóm gónó ye hebnos ne nled ye yóm syudad le. Yóm sana kuy Dwata hol gónó mogot fen bemlay du elem hólól ye.

Kehewà 14:4

Yó bud nmou béléen, bud hgelu kuluhen ne tódô ktesen yu. Ne mlan bè yóm kegmou béléen ne bè yó kem sendaluen gónóhu tótól. Omin le yó he temngón du yó kem tau Idyip ou se yóm sana Dwata hol gónó mogot.” Tahu se, nimón yó kem tau Israél yóm deng mon DWATA mò kul.

Kmukum 4:8

Yó mon Barak mò ke Dibura, “Són gónóhu mógów ke mungi do. Okóm ke là mungi do bée.”

Kehewà 14:8

Tey kehgel Dwata kulu Faro, yó gónón kemtes yó kem tau Israél balù yóm tey kofin Dwata kul bè kewót le.

Kehewà 14:17

Okóm yó kem tau Idyip bud hgelu kulu le anì ktes le yu mifal. Ne mlan bè yóm kegmou bè Faro ne bè yó kem sendaluen ne bè yó kem klitunen ne bè yó kem tau mit kul gónóhu tótól bè yó kem tau Idyip.