Kmukum 4:3 - Udél Dwata: Gna Kesfasad ne Lomi Kesfasad

³ Nim Sisira ni, wen syóm latu klitun bala tók gel niten bè gida ne botong lewu folò halayen kegenen alì hemsidek hmayam kul yó kem tau Israél. Omin le yó he bud hkodu bè Dwata yó kem tau Israél anì tnóbóngen lu.

Kmukum 4:3 Referans Kwoze

Kem Lingón 106:42

Tey kehegnok le kul yó kem hohon le, ne baling hesek le lu.

Kem Lingón 78:34

Tikóng wen hnatay Dwata bélê le, yó he kebel le ke Dwata yó kem dù tau mowil. Hegsel le, ne bud le semfulék ebè Dwata.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

1 Samwél 7:8

Ne yó udél le hkodu bè Samwél, mon le, “Béem tenflok kut mni tóbóng bè yóm sana kut Dwata hol gónó mogot anì lenwaen tekuy lem tdok yó kem Flistin.”

Kmukum 5:8

Bè yóm deng kélék le lomi dwata lennged yó kem tau Israél, yó gónón wen gida sut lem benwu le. Balù sotu klung duhen ke sotu buyus ke tô wen tonem bè yóm fat folò libu kem sendalù Israél.

Dwata 28:33

Angat gotu nwa yó kem tólóng tau yó kem hulu alì leniteg ye, laen dù guta ye se kuy. Mom hen-gnok le yu ne hensidek le yu.

Dwata 28:29

Angat ye tódô mógów migóf baluen ke kemdaw, hol lómón ke yóm tau butô là kô tonen du lanen. Yóm kdê yó kem gel nmò ye laen kô dù uléken. Angat tey kehegnok le kuy yó kem dumu tau lel le mnagaw bélê ye, balù sotu tau ke wen tmóbóng kuy.

Kmukum 4:4

Wen sotu libun tugod Dwata boluyen Dibura yehen Lapidot. Bè yóm kdaw yó, du sotu gel kmukum bè yó kem tau Israél.

Kmukum 4:13

gotu sentifunen yóm syóm latu kem klitun tóken ne kdê yó kem sendaluen ne hewóten lu bè yó bè Harusét yóm sotu syudad yó kem tau Kanan, hógówen lu etu bè Él Kisun.

Kehewà 2:23

Deng hilu halayen miwes bè yó, matay yóm tau hol geta bè Idyip, okóm sana tolo tey keglayam le he yó kem tau Israél lan le alì hmesek kul. Tey ktaba le ebè Dwata, kóyô le ke wen tmóbóng kul. Yóm ktaba le yó, gefet ditu bè Dwata.

Kmukum 6:6

Tey sidek kélél le yó kem tau Israél.