Kmukum 4:23 - Udél Dwata: Gna Kesfasad ne Lomi Kesfasad

²³ Bè yóm kdaw yó, deng hegmò Dwata lu bè Jabin yóm tau hol geta bè Kanan yó kem tau Israél.

Kmukum 4:23 Referans Kwoze

Kem Lingón 18:47

Du se Dwata fen meles yó kem hohonu. Heglaanen yó kem tau bè dumu benwu mò hogoten dou,

Nihimaya 9:24

Deng gwa le yóm tonok bè Kanan, laen kô dù gmò le béléem yó kem tau menwu bè yó. Tódô blayem lu elem hólól yó kem tauhem, anì tódô nmò le yóm kul knóyô bè yó kem tau bè Kanan ne bè yó kem tau hol geta bélê le.

Hibru 11:33

Ni kem tehe tau gnan ni ekni, lemwót bè yóm kehtahu le bè Dwata, yó gónó le gel matù bè yóm gel kesgida le. Tódô nmò le yóm tedeng, ne yó gónó le gmuta du yóm fasad Dwata kul. Lemwót bè kehtahu le, là kô gebngat le du kakim le yó kem liyun tô msék kul.

1 Kurin 15:28

Sok deng gotu hogot Dwata ke Krays yóm kdéen, bud lemwót se ke Krays kun, tódô bud hogoten ke Maen yóm kun klowil, yakà Dwata tehe hogot du du yóm kentihen, ne Dwata se hol mogot du yóm klamangen.

Kem Lingón 81:14

Ke yó nmò le, kendel hegmou lu bè yó kem hohon le, ne dou tdok gemlà kul.

Kem Lingón 47:3

Deng hegmoen tekuy bè yó kem dumu tau, ne henbalingen tekuy tau mò mogot kul.

Kem Lingón 18:39

Deng hekgisem ou bè gida, Dwata. Lemwót béléem gónó le là gemmò béléu yó kem hohonu.

1 Tutul Israél 22:18

“Yóm sana Dwata hol kuy gónó mogot yóm tendo nô bélê ye. Deng heneken kbenwu ye bè yó kem benwu hmilol kuy, yakà deng sù Dwata du lem hólólu yóm kdéen tau bè yó kem benwu hmilol kuy yó. Dwata se mogot kul yó kem benwu yó ne yó kem tau le.

Kmukum 4:22

Timbow msut Barak nan e nebel Sisira, senlong Jail ne monen mò du, “Hlósi, toloku kóm yóm tau hnebelem.” Tahu se, mung du husek Barak ne tódô tonen Sisira masà bè tonok deng matay, gtool bè langihen yóm hteg tolda.

Kmukum 4:24

Lenwóten bè yóm kdaw yó, sónmoen temnù gel yó kem tau Israél senta Jabin, ngangen efet ghatay le.