Kmukum 4:11 - Udél Dwata: Gna Kesfasad ne Lomi Kesfasad

¹¹ Bè yóm kdaw yó, lemwót Hébér yóm sotu tau Kinayt semfu gu bè yóm tehe fóg Musis boluyen Hubab, deng hetlas gu bè yó kem dumuhen, deng nilihen yóm gónóhen kmamfù etu klohok yóm koyu ok bè Sananim moni bè Kédés.

Kmukum 4:11 Referans Kwoze

Kehewà 3:1

Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.

Kmukum 4:6

Sotu kdaw hangayen Barak yóm ngà Abinuam menwu bè syudad Kédés bè tonok Naftali. Yó monen mò du, “Ni se udél hwiten ebéléem yóm sana Dwata hol gónó tekuy mogot kem tau Israél, ‘Semtifuni ditu bè Bulul Tabur sfolò libu tau hulung mit sgida lemwót bè ból Naftali ne bè ból Sibulun.

Lista 24:21

Bud hton Dwata ke Balaam yó kem tau Kinayt ne bud tulón Balaam yóm htugod Dwata du, monen, “Tey mbegel yóm benwu gónó ye nô, hol lómón kbegelen yóm sala nô bè léhék geta.

Kehewà 18:1

Ditu bè Midyan deng gotu gungol Jitru yóm tuón Musis, yóm tau gel demsù ebè Dwata bè yóm benwu yó yóm kdê deng nmò Dwata bè Musis, ne bè yó kem tau Israél bè yóm kwiten kul hewà gu bè Idyip.

Kehewà 2:18

Bè yóm deng kulék le ebè mà le, snólók mà le lu, monen, “Na, moen ni du ke là legen ye?”

Kmukum 4:12

Timbow tngón Sisira yóm deng knô Barak ditu ta Bulul Tabur,

1 Samwél 15:6

Wen udél hwit Sol ebè yó kem tau Kinayt, monen, “Hlayuk ye lem blóng yó kem tau Amalikayt, déke gomong ye matay bélê le. Abay se bè yóm tehe kewót le gu bè Idyip yó kem tau Israél, tey tilob kmò ye ebélê le.” Tahu se, gotu le mdó yó kem tau Kinayt.

1 Samwél 27:10

Ke gel snólók Akis Dabid, “Gónóm gu mundug kemdaw ni du?” Yó gel balà Dabid du, monen, “Nundugu yó kem tau bè Juda fi leged.” Sotu kdaw, bud monen, “Nundugu yó kem tau Jiramilayt.” Sotu kdaw, bud monen, “Nundugu yó kem tau Kinayt.”