Kmukum 2:20 - Udél Dwata: Gna Kesfasad ne Lomi Kesfasad

²⁰ Duhen yó, tey sidek kebut Dwata kul yó kem tau Israél ne yó udélen, monen, “Lemwót bè yóm deng kegbà le du yóm deng tehe senfasad me yó kem tehe fù le ni kem tau ni ne deng knogol le yó kem dou hlolò kul,

Kmukum 2:20 Referans Kwoze

Kmukum 2:14

Yó se gónón alì sidek kebuten kul yóm sana kul Dwata yó kem tau Israél. Yó nmoen bélê le, lusen eta le yó kem tau gel muluk mò muku yóm kdê nfun le. Blayen lu elem tdok yó kem hohon le hmilol kul ne là kô wen gmò le.

Juswa 23:16

Ke nulé ye yóm deng senfasad ye Dwata ne ke tmaba ye ebè yó kem dumu dwata kéng ne demsù ye ebélê le, tey sidek kbuten kuy yóm sana kuy Dwata hol gónó mogot ne angat tey ktafaken kuy. Là kóen legen gotu ye mekfung ta nim tey tonok hyu deng blayen kuy.”

Jirimaya 31:32

Yóm senfasad me ni, là mkélen bè yóm tehe kesfasad me yó kem tehe fù le bè yóm tehe kalaku kul hewà gu bè Idyip. Yóm tey kbong nawahu kul bè yóm kdaw yó hol lómón yóm tau syehen, ewenem mom nulé le yóm deng senfasad me.

Dwata 32:22

Yóm kebutu kul ni hol lómón ke mkal ofi, tódô gotu kenen yó kem kentihen nô talak tonok efet kól ditu tlaan bè benwu yó kem tau deng matay. Gomong kenen yó kem but bulul laan tonok.

Kmukum 2:19

Okóm ke deng matay yóm tau malak kul yó, bud senfulék yó kem tau Israél yóm sana kul lan ne mom milud he ksideken yóm kul nmò senta yóm kul ksidek nmò yó kem tau gna bélê le. Mom yó lolò le yó kem dumu dwata lennged ne tmaba le ebélê le ne mtud le bukol bè solu le. Là móyô le mkó du yóm sidek gel nmò le ne yóm alì kgel kulu le.

Kem Lingón 78:10

Là kô lolò le du yóm deng senfasad le Dwata, ne kenbê le yó kem kun hlau kul.

Lista 32:13

Okóm yó kem dumu tau Israél, tey sidek kebut Dwata kul. Yó gónón htabag kul lem yóm benwu laen hol wen tauhen glem yóm fat folò halayen efet le gotu matay yó kem tau hefebut du bè yóm kdaw yó.

2 Samwél 24:1

Kogolen bè yó, tey bud kebut Dwata kul yó kem tau Israél, ne hsóhen lu ke Dabid mò lan Dabid hemsidek kul, monen, “Yó ne, gotu nsóhem lu yó kem tau Israél ne kem tau Juda.”

Kem Lingón 106:40

Yó se gónó Dwata alì lembut kul yó kem tauhen, ne tey kutó nawahen kul yó kem kun tau deng nfun.