Kmukum 2:12 - Udél Dwata: Gna Kesfasad ne Lomi Kesfasad

¹² Là bud le tmaba ebè Dwata yóm sana kul Dwata hol gónó mogot yó kem tehe fù le, yóm Dwata tehe mit kul hewà gu bè Idyip. Deng le mom tmaba ebè yó kem dumu dwata kéng yó kem tau hmilol kul ne mtud le bukol bè solu le. Tey kehefebut le du yóm sana kul Dwata hol gónó mogot.

Kmukum 2:12 Referans Kwoze

Kehewà 20:5

Bê ye abay mtud bukol bè yóm dwata lenbù, duhen ke tmaba ebéléen abay se ou yóm sana kuy Dwata hol gónó ye mogot. Tey sidek kélés nawahu du ke wen dumu dwata gónó ye tmaba. Tnafaku yó kem tau kembê do, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Dwata 13:5

Okóm tódô hnatay ye yóm tau gel tmulón lan kna yó duhen ke yóm tugod Dwata tô mit kuy là mimón ke Dwata yóm Dwata tehe hewà kuy gu bè Idyip bè yóm benwu gónó ye tehe ghesek. Yóm tau lómón yó kmoen, tau Seitan, tô niten yu hlayuk bè yóm lan deng hlolò Dwata kuy. Tódô hnatay kmò du yóm tau lómón yó anì mkó lem blóng ye yóm sidek tô nmoen.

Dwata 5:9

Bê ye abay mtud bukol bè yóm dwata lenbù duhen ke tmaba ebéléen abay se ou yóm sana kuy Dwata hol gónó mogot. Tey sidek kélés nawahu du ke wen dumu dwata gónó ye e tmaba. Tnafaku yó kem tau kembê dou, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau hegfanu bélê le yóm kbong nawahu kul efet kól bè hilu libu bud lugod le.

Kmukum 5:8

Bè yóm deng kélék le lomi dwata lennged yó kem tau Israél, yó gónón wen gida sut lem benwu le. Balù sotu klung duhen ke sotu buyus ke tô wen tonem bè yóm fat folò libu kem sendalù Israél.

Dwata 33:17

Yóm Jusif, hol mkél bè kgis safì tudu. Yóm hangahen, mkél bè hanga yóm safì tudu alì mayal nô lem bnes. Kehlingónu du yóm hangahen yó, yó se yó kem hilu libu sfu Manasi, yóm ngaen twogu ne yó kem hilu folò libuhen sfu Ifraim, yóm ngaen twoli. Mlan bè yó kem hangahen yó, gotu snukóten yó kem dumu but benwu, gotu lohen lu efet kól bè són tonok.”

Dwata 32:15

Yó kem tau Dwata, deng le gotu baling tau mdengen. Okóm deng mom kenbê le Dwata. Gotu le mabù, mo le mom hemnobò lan le alì mken. Deng knogol le Dwata, yóm tehe mifil kul. Kenbê le Dwata, yóm hol gembek lemwà kul.

Kmukum 8:33

Bè yóm katay Gidyun, là kô le bud hteneb lemolò ke Dwata yó kem tau Israél. Deng le mom tmaba ebè yó kem dwata lennged boluyen Baal. Wen sotu bélê le boluyen Baal-birit mò kul dwata.

Kem Lingón 78:58

Deng hefebut le Dwata mlan bè yóm kehdà le yó kem gónó demsù ebè yó kem dwata kéng. Tey khélés le nawahen bè yóm ktaba le ebè yó kem dwata lennged nmò le.

Kem Lingón 106:36

Tmaba le ebè yó kem dwata lennged le, ne yó se mit kul meglà.

Dwata 4:25

Baluen he ke deng legen knô ye ta yóm tonok blay Dwata kuy ne deng dê kem ngà ye ne kem témê ye, hol bê ye abay gemsalà bè Dwata ke lan ye mò yó kem dwata lennged balù kihu kayen. Ke yó nmò ye, tey salà bong bè Dwata ne tey sidek kebuten kuy.

Dwata 6:12

hol ye eles temgama anì là klifót ye du yóm Dwata tehe hewà kuy gu bè Idyip, bè yóm benwu gónó ye ghesek.