Kmukum 16:30 - Udél Dwata: Gna Kesfasad ne Lomi Kesfasad

³⁰ Sen-gengen se mni bè Dwata, monen, “Ó Dwata, homongem o ne matay bè ni kem Flistin.” Tódô hotuhen gelen tmulud yó kem hehek lembang ne tódô tbó yóm gónô bong eta yóm limu kem tau hol geta bè yó kem Flistin ne bè kdê yó kem dumu tau nô bè yó. Tey tau wen mung matay bè Samsun senta yó kem hnatayen bè yóm hanà tolo klowilen.

Kmukum 16:30 Referans Kwoze

Flipay 2:8

Bè yóm kbalingen tau, tey keheglaanen knóen, ne laen kô gónón là mimón ke Dwata efet kól bè katayen, balù yóm le tehe khatay le du bè kros.

Matyu 16:25

Yóm tau ke knamaen klowilen, angat lana béléen yóm klowilen yó. Okóm yóm tau ke là knamaen du klowilen lanen lemolò do, angat gutahen yóm klowil laen dù sónen.

1 Tisalunika 5:2

Abay se deng hónô tngón ye se kuy yóm kektuten tau yóm kdaw kkól yóm gónó tekuy mogot, hol lómón kektuten tekuy yóm tau mnagaw kifu laen hemkól du.

Kulasi 2:15

Ne bud bè tum tehe katay Krays bè kros, yó se gónón mkó du bè Seitan yóm kun kfasang, ne yóm kul kfasang yó kem dumu mtulus deng genlal Seitan. Gotu hegfanen bè gónón wen yóm deng katuen bélê le.

Flipay 2:30

Abay se tek udì duen gónón tô matay lanen mò nmò bè Krays. Là kô dog nalihen du klowilen lanen mò yóm hmò ye du mò lan ye gemtóbóng dou.

Flipay 2:17

Yóm kehtahu ye bè Dwata, lómón ke yó yóm dsù gel blay ye ke Dwata. Bè yóm dsù ye yó, déke kóyô Dwata ke dou litô mung du mò twél ye tahen. Ke yó se kmoen, teye hligal du, gbóte hligal bélê ye bè yóm dsù gel blay ye.

Kul Nmò 21:13

Okóm mom mon Pol, “Moen de ke mkik ye? Ten-geed ye hemblat nawahu nim nmò ye ni. Balù kihu nmò le béléu ditu bè Jirusalim, kihu ke nfét le ou duhen ke hnatay le ou, syan ke lolou yóm kun kóyô Jisas.”

Kul Nmò 20:24

Okóm kem kunen ne myó du, là kô ngalihu du klowilu,” mon Pol, “olo ke tô là henfuhu du yóm hmoen dou Jisas, duhen yóm ktulónu du bè kem tau yóm Tulón Hyu gbak ebè yóm lan Dwata tmóbóng kul.

Kehedem Tau Tmolok 9:12

Là kô tngón tau du yóm kdaw ksut yóm sidek. Lómón yóm utón bkó huket, ne yóm onuk koyu bkó tébéd, lómón yó se kmoen yóm tau, là kô tngónen du yóm kwen sidek sut béléem. Là gomongen bè nili yóm tsaptér 9 bérs 13 kól bè tsaptér 10. Yó tulónen bè ni yóm kmò yóm tau hulung hedem ne yóm tau book. Yóm tau élél hulung hedem gbeken lemwà benwuhen, okóm kogolen bè yó, laen dù bud tau hemdem du. Yóm kganag kudél yóm tau hulung hedem, hyu senta kehetê yóm tau hol geta book, ne yóm kehedem yóm tau hulung hedem mit du tedeng, ne yóm kehedem yóm tau book mit du mò sidek. Wen se kem dumu tulónen bè ni hono wen hnigaden gbak ebè yóm tau book ne tau mduk. Yó gónóm mon, tey bong muhen yóm khulung hedem senta yóm kgis. Là gomongen bè nili yóm tsaptér 10. Yó tulónen bè ni yóm kul kehedem yó kem tau nungel.

Kem Lingón 62:3

Tey dê yó kem hohonu, tek sotu blà le, kdê le gotu mifis hmatay dou. Kton le dou, lómón tóe beng deng gbà, duhen ke labat deng gotu hugón.

Job 31:3

Bè yó kem tau là tedeng nmò le wen hlayam hwiten ebélê le. Gotu genlaen yó kem tau gel mò sidek.

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

Kmukum 15:15

Ton Samsun yóm tiol kakim kudà asnu lomi matay masà bè yó. Ominen mulut du ne bogulen kul ne botong lemibu Flistin hnatayen.

Kmukum 15:8

Tahu se, na a nmò Samsun hemsidek mundug kul, tey dê hnatayen bélê le. Ominen yó lemwót etu bè yóm sotu kilib bè yóm léhék boluyen Itam ne bè yó gónón nô.

Kmukum 14:19

Ne tódô sut bè Samsun yóm Tulus Dwata tey kehekgisen du. Ominen lemwót mosol etu bè yóm sotu benwu Flistin boluyen Askilun nan e hmatay tlu folò kem logi bè yó ne gotu nwahen nes le ne blayen bè yó kem tau malà yóm ngeden. Kogolen bè yó tódô mulék mneged ebè le maen, ya tey sidek kebuten.

Kmukum 16:29

Omin Samsun sbalà mogot yóm lewu kem hehek lembang sdà gónón sóól mò mtud yóm ketefen.

Kmukum 16:31

Omin le mógów ebè yó yó kem dumun setwoli ne yó kem dumu fes lówóhen anì na le e nwa lówóhen. Nwit le mulék ne lebeng le bè blóng le benwu Sura yóm benwu Istaol bè yóm kilib tehe gónó le lembeng ke Manu yóm maen. Botong lewu folò halay kegen Samsun malak yó kem dumun Israél. Là gomongen bè nili yóm tsaptér 17 efet kól bè tsaptér 21. Yó tulónen bè ni kem tsaptér ni yóm tey dê gfà yó kem tau Israél lan le smonol ke Dwata. Bè gnan kdaw tehe tey kesetgel le mit sgida bè yó kem hohon le. Okóm ni, lemwót bè yóm tey ksidek nmò yó kem sfu Bindyamin, yó gónó le mit kul sfatay yó kem dumu le Israél mò hedlà le kul.