Kmukum 16:28 - Udél Dwata: Gna Kesfasad ne Lomi Kesfasad

²⁸ Omin Samsun mni bè Dwata yóm sana kun Dwata hol gónó mogot, monen, “Ó Dwata, yóm hol dandónen geta, hentulónem o nawa nam ne bud hekgis o sulék anì gbelesu yó kem Flistin lemsit matahu.”

Kmukum 16:28 Referans Kwoze

Jirimaya 15:15

Ominu yó mudél ebè Dwata, monu, “Ó Dwata, tódô uu ne temngón du yóm kdéen. Hol hendemem o ne hol tnóbóngem o. Hbelesem dou yó kem tau tô hmatay do. Béem tlek hanay nawahem bélê le ni kem tau ni. Ke tô hanayem nawam déke wen kdaw le hmatay dou. Hendemem dé lemwót bè yóm ktugodu kóm gónów glayam bè yó kem tau.

Kem Lingón 143:12

Lemwót bè yóm là konol yóm kbong nawam do, sulék hnatayem kdê yó kem hohonu, yakà ou du yóm tau tóbóng lówóhem.

Deng Hegfan 6:10

Hgel le udél le, mon le, “Ó Dwata, yóm gónó me mogot, laen kô dù là gbekem du. Uu se yóm laen dù belenen ne laen kô dù kéngen. Kegenen de duen yóm kkukumem yó kem tau te tonok ne yóm ktafakem kul bè yóm tehe kbonok le kum?”

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

2 Timuti 4:14

Ya tey kehlayamen dou yóm Aliksandér, yóm tau gel temwél. Dwata he yó fen malà du.

Kem Lingón 116:4

Ominu yó tmaba ebè Dwata, yó monu, “Ó Dwata, hkoduhe béléem, hol lenwaem ou.”

2 Tutul Israél 20:12

Ó Dwata yóm hol kum Dwata, là genlaem kul kô bè nim nmò le ni? Là kô gbek me gemmò bélê le ni kem tey genged sendalù alì mbegel tô mundug kum ni. Là tngón me du ke tedu nmò me, okóm són uu gónó me e temngel mò tmóbóng kum.”

Kmukum 15:18

Tódô gefet bè Samsun yóm tey sidek kleengen, ominen tmaba ebè Dwata, monen, “Ó Dwata, deng tey kehegmoem do, okóm ni denge tô matay lemwót bè ksidek kleengu ne angat kenfô le o ni kem Flistin là temngón kóm nii.”

Kmukum 5:31

Ó Dwata, yake gotu le matay yó kem hohonem lómón yóm kun katay Sisira. Okóm yóm kul klowil yó kem tau kembong nawa kóm, hol lómón kehyuhen lómón ke btù mata kdaw.” Kogolen bè yó, botong fat folò halayen kegenen menek kbenwu yó kem tau Israél.

Hibru 11:32

Dô nan són ni he yóm tulónu kuy. Là getngónu tmulón du kuy yó kem dumu tau hemtahu bè Dwata ekni. Lómón le tehe Gidyun ne Barak ne Samsun ne Jifta ne Dabid ne Samwél kkólen bè yó kem tehe tugod Dwata ekni.

Juna 2:7

Timbow deng gnómu yóm móyón tô klefu, ominu yó he tmaba ebéléem, Dwata, ne tódô gefet ditu béléem bè Gónóem.

Kmukum 16:27

Yóm gónô bong yó, tey tau wen nô lemen kem logi ne libun. Gotu le nô bè yó se kul yó kem tau malak yó kem Flistin. Ne wen dô tlu libu kem logi ne libun nô te ketef temngel ebè Samsun ne gbót le hmowon se kul.

Kmukum 16:29

Omin Samsun sbalà mogot yóm lewu kem hehek lembang sdà gónón sóól mò mtud yóm ketefen.

Kem Lingón 10:12

Hekmóni, Dwata. Tnafakem lu, Dwata, yó kem tau gel mò sidek. Béem abay klifót yó kem tau laen dù gmò le.