Kmukum 16:24 - Udél Dwata: Gna Kesfasad ne Lomi Kesfasad

^24-25 Tey kehligal le, mon le, “Yake htaba tekuy Samsun mò lelen senflowon tekuy.” Tahu se. Timbow hangay le Samsun gu lem gónô blanggù tey keseflowon le du, hyu hdà le bè gónón sóól yóm lewu hehek lembang yóm gónô bong gónó le stifun yó. Timbow ton yó kem tau Samsun tey kdóyón le yóm kul dwata kéng, mon le, “Deng hegmoen tu yóm kut dwata bè hohon tekuy. Hegmoen tu bè yóm tau hemsidek yóm benwu tekuy ne deng tey dê ne hnatayen bélê tekuy.”

Kmukum 16:24 Referans Kwoze

Danyél 5:4

Yóm igò le minum tey kdóyón le du yóm kul dwata, nmò le lemwót gu bè tahu blówón ne gu bè blówón bukay ne gu bè tembaga futì ne gu bè bala tók ne gu bè koyu ne gu bè botu.

Deng Hegfan 11:10

Ya tey kehligal yóm kdéen tau te tonok bè yóm katay le. Tey ken bong nmò le, ne lel tey kesbasa le lemwót bè yóm kligal le. Yakà bè yó du kem lewu tugod Dwata yó gónón lemwót yóm tehe tey keglayam le.

Hbakuk 1:16

Omin le yó tmaba dwata bè yó kem huket le ne mtem le insinsu bélê le, yakà mon le du lemwót bè huket le kun yóm kwen kendengen le ne ktilob yóm gel ken le.

Danyél 5:23

Deng mom natuem yóm Dwata nô bè longit lanem hangay yó kem tegayan tehe nô lem yóm kun Gónô Dwata. Deng ye mom minum tifas grép lemen yó kem genlalem ne yó kem yehenem ne yó kem libun tódô nmuhem yóm igò ye dmóyón yó kem dwata nmò ye lemwót bè blówón bukay ne bè tahu blówón ne lemwót bè tembaga futì ne lemwót bè bala tók ne lemwót bè koyu ne bè botu, kem dwata là mton ne là mungol ne laen dù tngón le. Okóm là dog nadatem ke Dwata igoen du mogot klowilem ne eles tngónen yóm gónóm e kól.

Isaya 37:20

Duhen yó, Dwata, yóm hol kum gónó mogot, hol lenwaem mi gu lem tdok yó kem tau Asirya anì tngón yóm kdéen tau bè klamangen benwu tek són uu yóm hol tahu Dwata.”

1 Tutul Israél 10:9

Duhen yó, nlus le onit Sol ne kenleng le liholen. Omin le hógów kem tau ebè klamang benwu Flistin anì heglalag le bè gónô yó kem dwata le ne bè yó kem dumu le Flistin yóm deng katay Sol.

1 Samwél 31:9

Duhen yó, kenleng le kulu Sol ne nwa le oniten. Omin le hemwit kem tau ebè klamang benwu Flistin anì heglalag le yóm deng katay Sol bè gónô yó kem kul dwata ne bè yó kem dumu le Flistin.

Kmukum 15:16

Omin Samsun mon du, “Tek olo kakim kudà asnu, botong lemibu ghatayu. Tek olo kakim kudà asnu, tey wen luduku bè tonok.”

Kmukum 15:8

Tahu se, na a nmò Samsun hemsidek mundug kul, tey dê hnatayen bélê le. Ominen yó lemwót etu bè yóm sotu kilib bè yóm léhék boluyen Itam ne bè yó gónón nô.

Dwata 32:27

Okóm là kóe móyô ke salù yó kem hohon le yóm kegmò le bè yó kem dou tau, igoen ou yóm gemlà kul.’

Kem Lingón 97:7

Yó kem tau gel tmaba ebè yó kem dwata kéng, gotu le mulék myak, lu se yó kem tau alì heklabak bè yó kem dwata laen dù muhen. Yakà kdê yó kem dwata kéng, gotu le hegdungul ebéléen.

Kmukum 15:14

Timbow kól bè Lihi Samsun, tódô henmung senlong yó kem sendalù Flistin, ya tey kehsag le. Ominen tódô sut bè Samsun yóm Tulus Dwata, tey kehekgisen du. Tódô kem kdà odoy Samsun semdihot du yóm tébéd fét le bè sigelen ne bè henmuen, lómón kegnómen du lómón ke olo balu kdungon deng mlób, tódô gotu hto.