Kmukum 16:20 - Udél Dwata: Gna Kesfasad ne Lomi Kesfasad

²⁰ Omin Dilayla lemangat, monen, “Ó Samsun, btiki. Ni kem tau Flistin deng le kól bè ni.” Omin Samsun btik, ofo kun hemdem du ke sana kmoen du yóm tehe gel nmoen anì gewà bélê le. Okóm là kô tngónen du yóm deng ktagak Dwata du.

Kmukum 16:20 Referans Kwoze

1 Samwél 16:14

Lenwóten bè yó ne, tnagaken Sol yóm Tulus Dwata ne wen tulus sidek hwit Dwata ebéléen mò tendo sembeweg du.

1 Samwél 18:12

Ya tey sidek klikò Sol ke Dabid abay se tngónen yóm deng ktagak Dwata du ne tngónen snéen yóm deng knô Dwata bè Dabid.

Juswa 7:12

Ni se gónó le là gemmò bè yó kem hohon le yó kem tau Israél, yakà deng le gomong meglà bè yó kem tau genlau. Là bude nô lem blóng ye ke là na ye gotu genbà du yó kem kimu monu mò kuy là hyu ma du.

2 Tutul Israél 15:2

Yó nmoen, senlongen Asa yóm tau hol geta, bè yóm kkólen gu bè gida, hgelen udélen monen mò du, “Hnungolem ou, ne yu kem sendalù Juda ne Bindyamin. Tendo nô bélê ye Dwata ke henek ye béléen. Ke hnebel ye, angat henmóyóen yu. Okóm ke tebel ye, angat tebelen yu se kun.

2 Kurin 3:5

Bè ni kem deng nmò me lem blóng ye ni, là kô gbek me mon du lemwót bè kum kegbek, abay se là kô gbek me mò du se kum yóm yó. Kaem tódô lemwót bè yóm kenhulung blay Dwata kum.

Isaya 42:24

Tngón ye kô, tau du bemlay tekuy kem tau Israél elem tdok yó kem tau megef tekuy? Dwata se mò du yóm yó lan tekuy là mimón du. Là lolò tekuy du yóm kóyóen bélê tekuy ne là nimón tekuy du yóm toloken.

Kmukum 16:14

Bè yóm igoen tungô Samsun, lemwót Dilayla tódô mung ewelen yóm hitu slofil wek Samsun bè yóm newelen, ominen hemget du. Timbow deng kehgeten du ominen lemangat, monen, “Ó Samsun, btiki. Ni kem Flistin deng le kól bè ni.” Bè yóm bud kebtik Samsun, tódô ktengen yóm weken ne tódô mlus bè yóm newelen.

Matyu 17:20

Mon Jisas se, “Abay se tolo udì kehtahu ye. Tódô tulónu kuy ktahuhen, ke bnotù tekuy yóm kehtahu ye, anien ke olon senged bè kutit yóm lem hulu boluyen mustard, botong gbek ye tódô mon du bè yóm bulul nii, ‘Milihi etuu.’ Nénégem kà tódóen mili. Laen kô dù là gbek ye du.

Matyu 17:16

Deng nitu ebè yó kem gel lemolò kóm, okóm là gbek le du.”

Kmukum 16:9

Bede deng eles wen yó kem tau Flistin deng bnos Dilayla bè yóm sotu dfél bè gónóen. Timbow deng kféten du, ominen lemangat, monen, “Ó Samsun, btiki. Ni kem Flistin deng le kól bè ni.” Tahu se, hboluk btik Samsun ne tódô gotu hto yóm hitu dolol fét boho hanà lomi, hol lómón ke hentohem ofi yóm balu tnikel. Ne là kô tngón le du gónón gu lemwót yóm kgis Samsun yó.

Kmukum 16:3

Okóm ke Samsun kun, mom btik sóól buteng. Bè yóm kewóten tódô nogoten yóm bak tikeb deng tnikeb le ne tódô kenduten yó kem heheken. Ominen gotu tmihang du mayuk yóm kdéen etu ta yóm bulul fi fatu Hibron.

Dwata 32:30

Bè tek olo sotu hohon le, botong le lemibu hemlóy du. Bè tek lewu hohon le, botong le sfolò libu hemlóy kul. Yó gónó le mlóy abay se deng bayà Dwata lu yóm sana kul Dwata gónó mogot. Deng tódô lusen lu elem tdok yó kem hohon le yóm kul Dwata alì gembek.

Lista 14:9

Bê ye mom natù Dwata dé ne bê ye abay knikò tu kem tau menwu ditu. Là kóen legen keglà tekuy kul tu kem tau tu abay se tendo eles nô bélê tekuy Dwata ne laen kô dù gónó le hofin se kul. Yó gónóm mon, hol bê ye abay hlikò.”

Kmukum 16:19

Omin Dilayla htungô ke Samsun ta hahahen. Tikóng deng gtungô, ominen htaba yóm tau hulung gmunting mò gmunting yóm hitu dolol slofil weken anì gekfô le. Timbow deng kguntingen du, tódô monol ne kgis Samsun.

Kmukum 16:21

Omin le kemfô du yó kem Flistin ne lensit le matahen. Nwit le ebè Gasa, nfét le yóm tey kdina mgemel ne ditu lem gónô blanggù senflós le hgaling du silà.

1 Samwél 18:10

Hayahen bè yó, wen tulus sidek hwit Dwata mò malak ke Sol ne tendo hesbewegen kudél Sol lem gónóen lómón yóm tau lengel matahen. Yó nmò Dabid hunihen béléen yóm gel kenbiten lómón yóm sana kun gel nmò.