Kmukum 16:2 - Udél Dwata: Gna Kesfasad ne Lomi Kesfasad

² Timbow tngón yó kem tau bè Gasa yóm knô Samsun bè yó, yó nmò le gotu senibut le yóm benwu yó. Tódô suloy le buteng mangat du bè bak tikeben. Balù udì ke mudél le, yó hendem le, “Nangat tekuy efet kól hlafus, omin tekuy hmatay du.”

Kmukum 16:2 Referans Kwoze

1 Samwél 23:26

Lemwót le Sol ne yó kem sendaluen, mlan le bè doli bulul ne fen le nô bè doli yóm bulul yó kul le Dabid ne yó kem kun tau, henlóy le Sol. Timbow tô gafit le Sol ne yó kem sendaluen Dabid ne yó kem tauhen,

Kul Nmò 9:24

okóm wen heglileb du ke Sol yóm tô katul le du. Yó nmò yó kem tau tô hmatay du, ket kdaw le ne ket kifu le tendo tô hmékét du bè yó kem bak tikeb yóm syudad yó.

Kul Nmò 23:15

Yó tô atul me,” mon le, “yu ne yó kem tau mogot kukum, fen ye kut tminok ebè yóm kmandér, anì nan na bud hógów edini Pol, abay se hningón wen tô bud snólók ye béléen. Lemwót yó dum kum, fen hnékét me bè lan.”

Matyu 27:1

Timbow deng mwas bè yó, gotu le stifun yó kem geta bè yó kem gel demsù ebè Dwata ne yó kem tuha gónó le gel galak yó kem Ju, sensatul le yóm kmò khatay le ke Jisas.

Matyu 21:38

Okóm timbow ton yó kem tau mogot hulu yóm ngaen yó, mom mon le, ‘Yó nii yóm ngà yóm tau fun hulu. Lemwót kuy ne, na tekuy e hnatay anì gfun tekuy yóm tonok angat nfunen.’

1 Samwél 19:11

Bè yóm kifu yó, wen kem tau dók Sol ebè gónô Dabid mò mentey du anì tô hnatay le bè yóm kehlafusen bè yó. Okóm yó nmò Mikal yóm yehenen nseben Dabid, monen mò du, “Ke là mlóyi kifu ni, hlafus haya matayi.”

Kmukum 15:18

Tódô gefet bè Samsun yóm tey sidek kleengen, ominen tmaba ebè Dwata, monen, “Ó Dwata, deng tey kehegmoem do, okóm ni denge tô matay lemwót bè ksidek kleengu ne angat kenfô le o ni kem Flistin là temngón kóm nii.”

Kun Snulat Luk 21:20

Ne yó bud mon Jisas, “Ke sok deng ton ye senibut kem sendalù nim syudad Jirusalim ni, là hewuhem du deng kdawen meglà ne.

Kmukum 16:3

Okóm ke Samsun kun, mom btik sóól buteng. Bè yóm kewóten tódô nogoten yóm bak tikeb deng tnikeb le ne tódô kenduten yó kem heheken. Ominen gotu tmihang du mayuk yóm kdéen etu ta yóm bulul fi fatu Hibron.