Kmukum 16:18 - Udél Dwata: Gna Kesfasad ne Lomi Kesfasad

¹⁸ Timbow glileb Dilayla yóm deng ktulón Samsun du yóm ktahuhen, ominen kendel hemwit tulón ebè yó kem tau malak bè yó kem Flistin, monen, “Bud ye mógów sulék edini. Deng gotu tulónen do yóm ktahuhen.” Tahu se, bud le semfulék eles nwit le yóm filak tehe fasad le du.

Kmukum 16:18 Referans Kwoze

1 Timuti 6:10

Abay se bè yóm alì kbong nawahen yóm filak, yó se lewót gónón gemmò du yóm dê kay sidek. Bè yóm alì kusol le du kem dumu tau, deng mom gkogol le yóm deng hentahu le. Yó mò kul, deng mom sidek khuli sel le.

Matyu 26:15

Yó snólóken bélê le, monen, “Hilu de blay ye do ke ou fen malak kuy ebè Jisas?” Deng mom yó nmò le, tódô nsó le béléen tlu folò botù yóm kul filak mgel.

Kmukum 16:5

Yó nmò yó kem tau malak bè yó kem Flistin mógów le ebè Dilayla, mon le mò du, “Snukatem Samsun anì tulónen kóm yóm gónón lemwót kgisen ne ke tedu nmò me anì gemmò me béléen, anì gfét me ne anì laen dù bud gmoen. Ke tulónem kum, sket benlay me u lemibu bud lematu botù blówón bukay.”

Ifisus 5:5

Ni mò hol hendem ye. Yóm tau gel mò samuk ne yóm tau gel hemyak knô, là kóen gomong bè yó kem tau nogot Krays ne Dwata. Senged se yóm tau seglom, abay se yóm gel sen-glomen, yó se henged dwatahen.

Kem Udél Hlalak Tehe Selumun 18:8

Yóm udél yóm tau lemnek ksumóngen lómón ke ken alì mnóm, tey le beyen mungol du yó kem tau.

Kem Lingón 62:9

Kewóten bè yóm tau hol geta kól bè yóm tau hol glaan, laen kô dù mu le. Ke tnimbangem lu, mo le mom maan senta nawa.

1 Bok Kem Tau Hol Geta 21:20

Timbow ton Ahab Ilaydya, yó monen mò du, “Na, deng tonen o yóm hohonu.” Bnalà Ilaydya se, monen, “Él, tonu uu. Ni gónów mógów edini, abay se deng mom hotuhem nawam mò du yóm sidek bè kton Dwata kóm.

Lista 22:7

Tahu se, yó kem genlal bè yó kem tau Muab ne yó kem genlal bè yó kem tau Midyan lemwót le etu bè Balaam. Hyu wen nwit le mò bayad le du ke henmulaen yó kem tau Israél. Bè yóm kkól le ditu, tulón le ke Balaam yóm tinok Balak.

Kmukum 16:17

Efet tódô tulónen du yóm ktahuhen, monen, “Lemwót bè yóm tehe ksutu efet nim kmoen ni là kô deng wen kemleng du he nim weku, abay se deng hetfing le o ebè Dwata mò tau Nasarit. Ke kenleng le nim weku ni tódô monol yóm kgisu, lómón kgis yó kem dumu tau.”

Kmukum 16:19

Omin Dilayla htungô ke Samsun ta hahahen. Tikóng deng gtungô, ominen htaba yóm tau hulung gmunting mò gmunting yóm hitu dolol slofil weken anì gekfô le. Timbow deng kguntingen du, tódô monol ne kgis Samsun.