Kmukum 16:17 - Udél Dwata: Gna Kesfasad ne Lomi Kesfasad

¹⁷ Efet tódô tulónen du yóm ktahuhen, monen, “Lemwót bè yóm tehe ksutu efet nim kmoen ni là kô deng wen kemleng du he nim weku, abay se deng hetfing le o ebè Dwata mò tau Nasarit. Ke kenleng le nim weku ni tódô monol yóm kgisu, lómón kgis yó kem dumu tau.”

Kmukum 16:17 Referans Kwoze

Kem Udél Hlalak Tehe Selumun 12:23

Yóm tau hulung milô là kô saluen du ketngónen, okóm yóm tau book mom gfan bè kudélen yóm kbooken.

Kmukum 13:5

Angati mlutut ne mngai logi, hol béem abay kenleng weken abay se tódô lemwót bè ksuten kehetfingem du ebè Dwata mò tau Nasarit. Du mò angat mbut du yóm kegewà yó kem tau Israél gu lem hólól yó kem tau Flistin.”

Kul Nmò 18:18

Timbow deng malù bud legen knô Pol lem blóng yó kem tau hemtahu bè yó bè Kurin, ominen tmagak kul, tô bud mulék ebè prubinsya Sirya. Niten Prisila ne Akila, hlós le ebè Senkeriya. Okóm gu laan le là deng lemwót bè yó, nan hetbulud Pol mò ilô yóm deng kdeng yóm tehe fasaden ke Dwata. Kewót le bè yó, smakay le kafal.

Kem Udél Hlalak Tehe Selumun 29:12

Yóm tau mogot benwu ke nmungen yóm kéng gotu le baling mò kéng se kul yó kem tau smugung béléen.

Kmukum 16:16

Tódô ket kdaw Dilayla mubug ke Samsun, là kóen tmakas. Efet tódô tmakas Samsun là bud gbalahen du yóm tendo kubug Dilayla du.

Kmukum 16:18

Timbow glileb Dilayla yóm deng ktulón Samsun du yóm ktahuhen, ominen kendel hemwit tulón ebè yó kem tau malak bè yó kem Flistin, monen, “Bud ye mógów sulék edini. Deng gotu tulónen do yóm ktahuhen.” Tahu se, bud le semfulék eles nwit le yóm filak tehe fasad le du.

Kem Udél Hlalak Tehe Selumun 13:3

Nabungen klowilen yóm tau eles hendemen kudélen ne yóm tau tódô óyóen bemkó yóm udél sidek hensideken knóen.