Kmukum 16:15 - Udél Dwata: Gna Kesfasad ne Lomi Kesfasad

¹⁵ Bud mon Dilayla mò du, “Igoem sem mon du mò do du bong nawahem do, moen du ke tolo wen bunihem béléu? Deng tlu dulékem ni ne hmowon dou. Là kô tulónem du dou yóm gónón lemwót kgisem.”

Kmukum 16:15 Referans Kwoze

Kmukum 14:16

Tahu se, stulón ke Samsun yehenen mung du kiken, monen, “Là kô dog kenbong nawahem do, mom knutó nawahem ou. Deng wen ngedem yó kem weem, là sem dog tulónem du do lanen.” Mon Samsun se, “Tenngelem dé, sélét mom u ne gónóhu tmulón du anì sem le mà du ne yê, là kô tulónu du kul.”

1 Jan 5:3

Yó gónón gdilô yóm kbong nawa tekuy ke Dwata ke hol nimón tekuy yóm kun hlau. Yó kem hlauhen yó, là katen mgel,

Kun Snulat Jan 15:10

Ke nimón ye yóm dou hlau, yó se gónó ye henek bè yóm kbong nawahu kuy. Lómón yóm kimónu yóm hlau Mà, ne kheneku bè yóm kbong nawahen do.

Kun Snulat Jan 14:15

“Ke kenbong nawa ye o,” mon Jisas, “nimón ye sen yó kem dou hlau.

Kem Udél Hlalak Tehe Selumun 23:26

Ó Man, hol hnungolem o ne hol tenngelem yó kem dou kmò klan mò loloem.

Kem Udél Hlalak Tehe Selumun 2:16

Yóm khulung hedem kenlungen uu bè yóm libun hdóyón ne bè yóm libun mdà yehen tô hegbóy kóm bè tilob kudélen.

2 Samwél 16:17

Yó mon Absalum mò ke Husay, “Ni kô kmò ktenebem bè yóm weem Dabid? Moem là mung du du?”

Dwata 6:5

Hol hewót ye bè nawa ye yóm kbong nawa ye ke Dwata, hotu ye nawa ye ebéléen ne hotu ye gel ye mimón du.Hol bê ye abay klifót yó kem hlau Dwata deng tulónu kuy kemdaw ni.

Tekang Kbuten 29:20

Tahu se, botong hitu halay Jakub mò nmò bè Laban anì gyehenen Rakél. Bè kegnóm Jakub du yóm hitu halay, lómón ke tek likóten lemwót bè yóm tey óyóen ke Rakél.

Kmukum 16:14

Bè yóm igoen tungô Samsun, lemwót Dilayla tódô mung ewelen yóm hitu slofil wek Samsun bè yóm newelen, ominen hemget du. Timbow deng kehgeten du ominen lemangat, monen, “Ó Samsun, btiki. Ni kem Flistin deng le kól bè ni.” Bè yóm bud kebtik Samsun, tódô ktengen yóm weken ne tódô mlus bè yóm newelen.

Kmukum 16:16

Tódô ket kdaw Dilayla mubug ke Samsun, là kóen tmakas. Efet tódô tmakas Samsun là bud gbalahen du yóm tendo kubug Dilayla du.